ನಟಿ ಶ್ರೀಲೀಲಾ ತಾಯಿ ವಿರುದ್ಧ ಮತ್ತೊಂದು ದೂರು : ಗಂಡನಿಂದ ಆರೋಪ..!

ಬೆಂಗಳೂರು: ಕಳೆದ ತಿಂಗಳು ಅಲಯನ್ಸ್ ಯೂನಿವರ್ಸಿಟಿ ಗಲಾಟೆ ವಿಚಾರಕ್ಕೆ ನಟಿ ಶ್ರೀಲೀಲಾ ತಾಯಿ ಸ್ಚರ್ಣಲತಾ ಮೇಲೆ ದೂರು ದಾಖಲಾಗಿತ್ತು. ಇದೀಗ ಸ್ಚರ್ಣಲತಾ ಗಂಡನಿಂದ ದೂರು ದಾಖಲಾಗಿದೆ. ಆಡುಗೋಡಿ ಠಾಣೆಯಲ್ಲಿ ಇದೀಗ ಮತ್ತೊಂದು ದೂರು ದಾಖಲಾಗಿದೆ.

ಸುಧಾಕರ್ ರಾವ್ ಅವರ ಅಪಾರ್ಟ್ಮೆಂಟ್ ಕೋರಮಂಗಲದಲ್ಲಿದೆ. ಈ ಅಪಾರ್ಟ್‌ಮೆಂಟ್ ಗೆ ಸ್ವರ್ಣಲತಾ ಅಕ್ರಮವಾಗಿ ಪ್ರವೇಶ ಮಾಡಿದ್ದಾರಂತೆ. ಅಕ್ಟೋಬರ್3 ರಂದು ಈ ಘಟನೆ ನಡೆದಿದ್ದು, ಮನೆಯ ಬೀಗ ಮುರಿದು ಒಳಗೆ ಪ್ರವೇಶ ಮಾಡಿದ್ದಾರೆಂದು ಆಡುಗೋಡಿ ಪೊಲೀಸ್ ಠಾಣೆಗೆ ಸುಧಾಕರ್ ದೂರು ನೀಡಿದ್ದಾರೆ.

ಸುಧಾಕರ್ ಮತ್ತು ಸ್ವರ್ಣಲತಾ ಡಿವೋರ್ಸ್ ಪಡೆಯಲು ಕೋರ್ಟ್ ನಲ್ಲಿ ಕೇಸ್ ಹಾಕಿದ್ದಾರೆ. 20 ವರ್ಷಗಳಿಂದಲೂ ಈ ಜೋಡಿ ಬೇರೆ ಬೇರೆ ವಾಸ ಮಾಡುತ್ತಿದ್ದಾರೆ. ಹೀಗಾಗಿ ವಿಚ್ಛೇದನಕ್ಕಾಗಿ ಕೋರ್ಟ್ ಮೊರೆ ಹೋಗಿದ್ದಾರೆ. ಇತ್ತಿಚೆಗಷ್ಟೇ ಶ್ರೀಲೀಲಾ ತಾಯಿ ಮೇಲೆ ಆನೇಕಲ್ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿತ್ತು. ಅಲಯನ್ಸ್ ಯೂನಿವರ್ಸಿಟಿ ಗಲಾಟೆಯಲ್ಲಿ ನಂಬರ್ 2 ಆರೋಪಿಯಾಗಿದ್ದಾರೆ.