ಬೆಂಗಳೂರು: ಜೆಡಿಎಸ್ ಬಿಟ್ಟು ವೈ ಎಸ್ ವಿ ದತ್ತಾ ಅವರು ಕಾಂಗ್ರೆಸ್ ಸೇರುವುದು ಖಚಿತವಾಗಿದೆ. ಈ ಸಂಬಂಧ ವೈ ಎಸ್ ವಿ ದತ್ತಾ ಅವರು ಅಧಿಕೃತವಾಗಿ ತಿಳಿಸಿದ್ದಾರೆ. ಆದರೆ ಮಾಜಿ ಪ್ರಧಾನಿ ದೇವೇಗೌಡ ಅವರಿಗೆ ಅತ್ಯಾಪ್ತರಲ್ಲಿ ದತ್ತಾ ಕೂಡ ಒಬ್ಬರು. ದೇವೇಗೌಡ ಅವರು ಇರುವ ತನಕ ಜೆಡಿಎಸ್ ಬಿಡಲ್ಲ ಎಂದೇ ಹೇಳಿದ್ದರು.
ಈ ಬಗ್ಗೆ ಮಾತನಾಡಿರುವ ವೈ ಎಸ್ ವಿ ದತ್ತಾ ಅವರು, ಕಡೂರು ಜನತೆಯ ನಿರ್ಧಾರಕ್ಕೆ ನನ್ನ ರಾಜಕೀಯ ನಿವೃತ್ತಿಯನ್ನು ಬಿಟ್ಟಿದ್ದೇನೆ. ಯಾಕಂದ್ರೆ ನನಗೀಗ 70 ವರ್ಷ. ಈ ಚುನಾವಣೆಯೇ ನನ್ನ ಕೊನೆಯ ಚುನಾವಣೆಯಾಗಿರಲಿದೆ. ನನ್ನ ನಂಬಿಕೊಂಡು ಬೆಂಬಲಿಗರು ಇದ್ದಾರೆ. ಕಾರ್ಯಕರ್ತರ ಭವಿಷ್ಯವನ್ನು ನಿರ್ಧಾರ ಮಾಡಬೇಕಾಗುತ್ತದೆ. ನನ್ನ ಮತ್ತು ದೇವೇಗೌಡ ಅವರ ರಾಜಕೀಯ 50 ವರ್ಷಗಳ ಸುದೀರ್ಘ ಪಯಣವಾಗಿದೆ.
ನನಗೂ ಮತ್ತು ದೇವೇಗೌಡ ಅವರದ್ದು ತಂದೆ ಮಗನ ಸಂಬಂಧ. ದೇವೇಗೌಡ ಅವರು ಇರುವ ತನಕ ಜೊತೆಯಾಗಿಯೇ ಇರುತ್ತೀನಿ ಅಂತ ಹೇಳಿದ್ದೆ. ಆದರೆ ಕಾರ್ಯಕರ್ತರು ಕಾಂಗ್ರೆಸ್ ಸೇರುವಂತೆ ಒತ್ತಾಯಿಸಿದ್ದಾರೆ. ನನ್ನ ನಂಬಿ ಬಂದವರು ಇದ್ದಾರೆ. ಅವರಿಗೊಂದು ನೆಲೆಕೊಡಿಸಲು ನಾನು ಕಾಂಗ್ರೆಸ್ ಸೇರ್ಪಡೆಯಾಗುತ್ತಿದ್ದೇನೆ ಎಂದಿದ್ದಾರೆ.
Newbie Techy