ಯಾವ ನಟ-ನಟಿಯರು ಅಭಿಮಾನಿಗಳಿಂದ ಯಾವ ಗಿಫ್ಟ್ ಅನ್ನು ನಿರೀಕ್ಷೆ ಮಾಡುವುದಿಲ್ಲ. ಹುಟ್ಟುಹಬ್ಬ ಎಂದಾಕ್ಷಣಾ ಅಭಿಮಾನಿಗಳೇ ಸಾಕಷ್ಟು ಖರ್ಚು ಮಾಡಿ, ಉಡುಗೊರೆ ನೀಡಿ, ಅದ್ದೂರಿಯಾಗಿ ಹುಟ್ಟುಹಬ್ಬ ಆಚರಿಸುತ್ತಾರೆ. ಅವರ ಸಿನಿಮಾಗಳ ದಿನದಂದು ಅದ್ದೂರಿ ಸೆಲೆಬ್ರೇಷನ್ ಮಾಡುತ್ತಾರೆ. ಆದರೆ ಉಪೇಂದ್ರ ಕೊಂಚ ವಿಭಿನ್ನ. ಈ ಬಾರಿಯ ಹುಟ್ಟುಹಬ್ಬಕ್ಕೆ ಬರುವಾಗ ಈ ಗಿಫ್ಟ್ ನೀವೂ ತರಲೇಬೇಕು ಎಂದಿದ್ದಾರೆ. ಅದು ಅಂತಿಂತ ಗಿಫ್ಟ್ ಅಲ್ಲ. ಹಾಗೆ ನೋಡಿದರೆ ಆ ಗಿಫ್ಟ್ ದುಬಾರಿಯೇ ಇರುತ್ತದೆ. ನೀವೂ ಕೊಟ್ಟ ಗಿಫ್ಟ್ ಉಪ್ಪಿಗೆ ಇಷ್ಟವಾಗಿ ಬಿಟ್ಟರೆ ರಿಟರ್ನ್ ಗಿಫ್ಟ್ ಕೂಡ ಇರುತ್ತೆ.
ಇದೆ ತಿಂಗಳ 18ರಂದು ಉಪೇಂದ್ರ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಕೊರೊನಾ ಕಾರಣದಿಂದಾಗಿ ಕಳೆದ ಎರಡು ವರ್ಷದಿಂದ ಉಪೇಂದ್ರ ಕೂಡ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿರಲಿಲ್ಲ. ಆದರೆ ಈ ವರ್ಷ ತಮ್ಮ ಹುಟ್ಟುಹಬ್ಬವನ್ನು ಅಭಿಮಾನಿಗಳ ಸಮ್ಮುಖದಲ್ಲಿ ಆಚರಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಜೊತೆಗೆ ಅವರೇ ಎಲ್ಲಾ ಅಭಿಮಾನಿಗಳನ್ನು ಮನೆಗೆ ಆಹ್ವಾನ ಮಾಡಿದ್ದಾರೆ. ಜೊತೆಗೆ ಬರುವಾಗ ಸ್ಪೆಷಲ್ ಗಿಫ್ಟ್ ತರಲು ಹೇಳಿದ್ದಾರೆ.
ವಿಚಾರವಂತರಾಗೋಣಾ ?💡🤔💡
ಇದೇ ಸೆಪ್ಟೆಂಬರ್ 18 ಅಭಿಮಾನಿಗಳ ದಿನದಂದು ನಿಮ್ಮನ್ನ ನಮ್ಮ ಮನೆಯಲ್ಲಿ ಬೇಟಿಯಾಗುತ್ತೇನೆ.
ಆ ದಿನ ಕೇಕ್, ಹೂಗುಚ್ಚ ಗಿಫ್ಟ್ ಎಲ್ಲಾ ಬಿಟ್ಟು …..
ಒಂದು ಹಾಳೆಯಲ್ಲಿ 18 ಪದಗಳನ್ನು ಮೀರದಂತೆ ಏನಾದರೂ ಒಂದು ಉತ್ತಮ ವಿಚಾರವನ್ನು ಬರೆದು ತರುತ್ತೀರಾ ?
ಅತ್ಯುತ್ತಮವಾದ 18 ಬರವಣಿಗೆಗೆ ಸೂಕ್ತ ಬಹುಮಾನವಿರುತ್ತದೆ 👍😊
— Upendra (@nimmaupendra) September 3, 2022
ಗಿಫ್ಟ್ ಬಗ್ಗೆ ಉಪೇಂದ್ರ ಪೋಸ್ಟ್ ಹಾಕಿದ್ದು, ʻವಿಚಾರವಂತರಾಗೋಣಾ..? ಇದೇ ಸೆಪ್ಟೆಂಬರ್ 18 ಅಭಿಮಾನಿಗಳ ದಿನದಂದು ನಿಮ್ಮನ್ನು ನಮ್ಮ ಮನೆಯಲ್ಲಿ ಭೇಟಿಯಾಗುತ್ತೇನೆ. ಆ ದಿನ ಕೇಕ್, ಹೂಗುಚ್ಚ, ಗಿಫ್ಟ್ ಎಲ್ಲಾ ಬಿಟ್ಟು, ಒಂದು ಹಾಳೆಯಲ್ಲಿ 18 ಪದಗಳನ್ನು ಮೀರದಂತೆ ಏನಾದರು ಒಂದು ಉತ್ತಮ ವಿಚಾರವನ್ನು ಬರೆದು ತರುತ್ತೀರಾ..? ಅತ್ಯುತ್ತಮವಾದ 18 ಬರವಣಿಗೆಗೆ ಸೂಕ್ತ ಬಹುಮಾನವಿರುತ್ತದೆ ಎಂದು ಟ್ವೀಟ್ ಮಾಡಿದ್ದಾರೆ.
