ಪೊಲೀಸರು ಎಷ್ಟೇ ಎಚ್ಚರಿಸಿದ್ರು ನಿಲ್ತಿಲ್ಲ ಪುಂಡರ ವೀಲಿಂಗ್ ಪುಂಡಾಟ..!

ರಾಮನಗರ: ರಸ್ತೆಗಳಲ್ಲಿ ವೀಲಿಂಗ್ ಮಾಡಿ ತಮ್ಮ ಪ್ರಾಣಕ್ಕೆ ತುತ್ತು ತಂದುಕೊಳ್ಳಬೇಡಿ ಅಂತ ಪೊಲೀಸರು ಅದೆಷ್ಟೇ ಬುದ್ಧಿ ಹೇಳಿದ್ರು ಕೂಡ ಪುಂಡರ ಪುಂಡಾಟಿಕೆ ಮಾತ್ರ ನಿಂತಿಲ್ಲ. ಇವರ ವೀಲಿಂಗ್ ಪುಂಡಾಟದಿಂದಾಗಿ ವಾಹನ ಸವಾರರು ಹೈರಾಣಾಗಿದ್ದಾರೆ.

ಮೋಜು ಮಸ್ತಿಗಾಗಿ ವೀಲಿಂಗ್ ಮಾಡಲು ಹೋಗಿ ಪ್ರಾಣಕ್ಕೆ ಕುತ್ತು ತಂದುಕೊಳ್ಳಲಿದ್ದಾರೆ. ರಾಮನಗರದ ಬೆಂಗಳೂರು-ಮೈಸೂರು ಹೆದ್ದಾರಿಯಲ್ಲಿ ವೀಲಿಂಗ್ ಮಾಡಿ ಸಾರ್ವಜನಿಕರಿಗೂ ಕಿರಿಕಿರಿ ಮಾಡುತ್ತಿರುವ ಘಟನೆ ನಡೆದಿದೆ. 10ಕ್ಕೂ ಹೆಚ್ಚು ಬೈಕ್ ಗಳಲ್ಲಿ 15 ಕಿಲೋಮೀಟರ್ ತನಕ ಈ ರೀತಿ ಹುಚ್ಚಾಟ ಮೆರೆದಿದ್ದಾರೆ.

ಹೆದ್ದಾರಿಗಳಲ್ಲಿ ವೀಲಿಂಗ್ ಕಾಮನ್ ಆಗೋಗಿದೆ. ಸಾಕಷ್ಟು ಪ್ರಕರಣಗಳು ದಾಖಲಾದ್ರೂ, ಪೊಲೀಸರು ಎಚ್ಚರಿಸಿದ್ರು ವೀಲಿಂಗ್ ಮಾಡುವ ಯುವಕರು ಮಾತ್ರ ಆ ಬಗ್ಗೆ ಎಚ್ಚೆತ್ತುಕೊಳ್ಳುತ್ತಿಲ್ಲ. ವೀಲಿಂಗ್ ಮಾಡುವಾಗ ಏನಾದರೂ ಪ್ರಶ್ನಿಸಿದ್ರೆ ಸವಾರರ ಮೇಲೆಯೇ ಹಲ್ಲೆ ಮಾಡುತ್ತಾರೆಂಬ ಆರೋಪಗಳು ಕೇಳಿ ಬಂದಿವೆ.