ಪ್ರಶಾಂತ್ ಸಂಬರ್ಗಿ ಹಾಕಿದ ಫೋಟೋಗೆ ಜನಸಾಮಾನ್ಯರಿಂದಾನೂ ಕ್ಲಾಸ್..!

ಬಿಗ್ ಬಾಸ್ ಖ್ಯಾತಿಯ ಪ್ರಶಾಂತ್ ಸಂಬರ್ಗಿ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್ ಆಗಿರುತ್ತಾರೆ. ಬಿಗ್ ಬಾಸ್ ಮನೆಯಿಂದ ಹೊರ ಬಂದಾಗ ನಾನು ಮುಂದಿನ ಜೀವನವನ್ನು ರಾಜಕೀಯದಲ್ಲಿ ಗುರುತಿಸಿಕೊಳ್ಳಲು ಶ್ರಮ ಪಡುತ್ತೇನೆ ಎಂದಿದ್ದರು. ಅವರ ಒಲವು ಇರುವುದು ಬಿಜೆಪಿಗೆ ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದ್ರೆ ಕಾಂಗ್ರೆಸ್ ನನ್ನು ಟಾರ್ಗೆಟ್ ಮಾಡಿರುವ ಪ್ರಶಾಂತ್ ಸಂಬರ್ಗಿ, ಎಲ್ಲರಿಗೂ ಕೋಪ ಬರುವಂತ ಪೋಸ್ಟರ್ ಒಂದನ್ನು ಹಾಕಿದ್ದಾರೆ.

ಇದೀಗ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಫೋಟೋ ಹಾಕಿದ್ದಾರೆ. ಸೋನಿಯಾ ಗಾಂಧಿ ಅವರ ಎಡಿಟೆಡ್ ಫೋಟೋ ಹಾಕಿದ್ದಾರೆ. ಮುಂದೆ ಸೋನಿಯಾ ಗಾಂಧಿ ನಿಂತಿದ್ದು, ಹಿಂದೆ ಶಿಲಾಬಾಲಕಿಯಂತೆ ನೆರಳಿರುವಂತೆ ಇರುವ ಫೋಟೋವನ್ನು ಹಾಕಿದ್ದಾರೆ. ಅದಕ್ಕೆ ʻಇದನ್ನು ನಾನು ಖಂಡಿಸುತ್ತೇನೆʼ ಎಂದು ಕ್ಯಾಪ್ಶನ್ ಹಾಕಿದ್ದಾರೆ.

ಇದಕ್ಕೆ ಎಲ್ಲೆಡೆ ಆಕ್ರೋಶ ವ್ಯಕ್ತವಾಗುತ್ತಿದೆ. ಕಾಂಗ್ರೆಸ್ ನಾಯಕರು ಸೇರಿದಂತೆ ಸಾಮಾನ್ಯ ಜನರು ಕೂಡ ಈ ಫೋಟೋ ಮತ್ತು ಕ್ಯಾಪ್ಶನ್ ಕಂಡು ಕೆಂಡಕಾರಿದ್ದಾರೆ. ಪ್ರಶಾಂತ್ ಸಂಬರ್ಗಿ ಅವರ ಪೋಸ್ಟರ್ ಅನ್ನು ಹಂಚಿಕೊಂಡು ನಿಮ್ಮ ಹೆಂಡತಿ ಮತ್ತು ತಂಗಿಯನ್ನು ಈ ಫೋಟೋದಲ್ಲಿ ಎಡಿಟ್ ಮಾಡಿದ್ದನ್ನು ನಾವೂ ಖಂಡಿಸುತ್ತೇವೆ ಎಂದು ಪೋಸ್ಟರ್ ಹಾಕುತ್ತಿದ್ದಾರೆ.