ಸಿಡಿಲು ಬಡಿದು 12 ಕುರಿಗಳು ಸಾವು

ಸುದ್ದಿಒನ್, ಚಳ್ಳಕೆರೆ, (ಅ.23): ಸಿಡಿಲು ಬಡಿದು 12 ಕುರಿಗಳು ಸಾವನ್ನಪ್ಪಿರುವ ಘಟನೆ ತಾಲ್ಲೂಕಿನ ಬಂಡೆ ತಿಮ್ಲಾಪುರ ಗ್ರಾಮದ ಸಮೀಪದ ಅರಣ್ಯದಲ್ಲಿ ಶನಿವಾರ ಸಂಜೆ ಸಮಯದಲ್ಲಿ ನಡೆದಿದೆ.

ತಾಲೂಕಿನ ಬಂಡೆ ತಿಮ್ಮಲಾಪುರ ಗ್ರಾಮದ ಚಿತ್ತಯ್ಯ ಹಾಗೂ ತಿಮ್ಮಣ್ಣ ಎಂಬುವವರಿಗೆ ಸೇರಿದ ಸುಮಾರು 12 ಕುರಿಗಳು  ಸಾವನಪ್ಪಿವೆ.

ಎಂದನಂತೆ ಇಬ್ಬರು ಕುರಿಗಾಹಿಗಳು ಕುರಿಗಳನ್ನು ಮೇಯಿಸಿಲು ಒಡೆದುಕೊಂಡು ಹೋಗಿ ಹಿಂದಿರುಗವಾಗ ಸಿಡಿಲು, ಗುಡುಗು ಸಹಿತ ಮಳೆ ಸುರಿಯಲು ಆರಂಭಸಿದೆ. ಈ ವೇಳೆ ಕುರಿಗಳು ಮಳೆಯ ಒಡೆತಕ್ಕೆ ತಾಳಲಾರದೆ ಗಿಡದ ಕೆಳಗೆ ಆಶ್ರಯ ಪಡೆಯಲು ಹೋದಾಗ ಕುರಿಗಳಿಗೆ ಸಿಡಿಲು ಬಡಿದ ಪರಿಣಾಮ 12 ಕುರಿಗಳು ಸಾವನ್ನಪ್ಪಿವೆ ಎಂದು ಕುರಿಗಾಹಿಗಳಾದ ಚಿತ್ತಯ್ಯ, ತಿಮ್ಮಣ್ಣ ತಿಳಿಸಿದ್ದಾರೆ.

ಸ್ಥಳಕ್ಕೆ ಪಶುಸಂಗೋಪನೆ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ, ಪರಿಶೀಲಿಸಿ ಪರಿಹಾರ ಕೊಡಿಸುವ ಭರವಸೆ ನೀಡಿದ್ದಾರೆ.