in ,

ಸುಮಲತಾರನ್ನೇ ಮದ್ವೆ ಆಗ್ತೀನಿ ಅಂತ ಹಠ ಮಾಡಿದ್ದರಂತೆ : ಅಪ್ಪು ನೆನೆದು ಸುಮಲತಾ ಕಣ್ಣೀರು..!

suddione whatsapp group join

ಬೆಂಗಳೂರು: ಈ ವಿಚಾರ ಹೊಸದೇನಲ್ಲ. ಇದಕ್ಕೂ ಮುನ್ನ ಸಾಕಷ್ಟು ಬಾರಿ ಕೇಳಿದ್ದೇವೆ. ಅಪ್ಪುಗೆ ಸುಮಲತಾ ಕಂಡ್ರೆ ಪಂಚ ಪ್ರಾಣ. ನಟಿಯರಲ್ಲಿ ಅವರೆಂದರೆ ಇಷ್ಟ. ಅಪ್ಪನ ಜೊತೆ ಶೂಟಿಂಗ್ ಹೋಗುವಾಗ ಸುಮಲತಾರನ್ನ ನೋಡಿ, ಮನೆಗೆ ಬಂದು ನಾನು ಸುಮಲತಾರನ್ನೇ ಮದುವೆ ಆಗ್ತೀನಿ ಅಂತ ಹಠ ಮಾಡಿದ್ದರಂತೆ. ಇದೇ ವಿಚಾರವನ್ನ ನೆನೆದು ಸಂಸದೆ, ನಟಿ ಸುಮಲತಾ ಕಣ್ಣೀರು ಹಾಕಿದ್ದಾರೆ.

ಅಪ್ಪು ಈ ಭೂಮಿ ಮೇಲೆ ಇನ್ನು ಜೀವಂತವಾಗಿಲ್ಲ ಅನ್ನೋದನ್ನ ಯಾರಿಗಾದ್ರೂ ಅರಗಿಸಿಕೊಳ್ಳೋದಕ್ಕೆ ಸಾಧ್ಯವಾ..? ಅದೆಷ್ಟೇ ಪ್ರಯತ್ನ ಪಟ್ಟರು, ಇದುವೇ ಸತ್ಯ ಅಂತ ಒತ್ತಿ ಒತ್ತಿ ಹೇಳಿದ್ರು ಅದನ್ನ ಅರಗಿಸಿಕೊಳ್ಳೋದಕ್ಕೆ ಸಾಧ್ಯವೇ ಆಗ್ತಿಲ್ಲ. ಇನ್ನು ಇಡೀ ಚಿತ್ರರಂಗಕ್ಕೆ ಇದು ಯಾವತ್ತಿಗೂ ಭರಿಸಲಾರದ ನಷ್ಟ.

ಸಾಯುವ ಹಿಂದಿನ ದಿನ ಇದೇ ಸುಮಲತಾ ಅವರಿಗಾಗಿ ಹಾಡನ್ನ ಹಾಡಿದ್ದಾರೆ. ಗುರುಕಿರಣ್ ಅವರ ಬರ್ತ್ ಡೇ ಪಾರ್ಟಿಯಲ್ಲಿ ಎಂಜಾಯ್ ಮಾಡಿದ್ದಾರೆ. ಅಲ್ಲಿಯೂ ನಾಳೆ ನಾನಿರೋದಿಲ್ಲ ಅನ್ನೋ ಸುಳಿವು ಸಿಕ್ಕಿಲ್ಲ. ಎಲ್ಲರೊಂದಿಗೆ ನಗು ನಗುತ್ತಿದ್ದ ದಿನ ಕಳೆದು ಬೆಳಗಾದ ಮೇಲೆ ಎಲ್ಲರನ್ನ ಬಿಟ್ಟು ಅರೆಕ್ಷಣಕ್ಕೆ ಹೊರಟೋಗಿದ್ದಾರೆ.

ನಿನ್ನೆವರೆಗೂ ಎಲ್ಲ ಕಡೆ ಓಡಾಡಿಕೊಂಡಿದ್ದವರು ಇಂದು ಇಲ್ಲ ಅಂದ್ರೆ ಹೇಗೆ ನಂಬೋದು ಅಂತ ಸುಮಲತಾ ದುಃಖ ತಪ್ತರಾಗಿದ್ದಾರೆ. ನಾನು ಶೂಟಿಂಗ್ ನಲ್ಲಿದ್ದಾಗ ಪಾರ್ವತಮ್ಮ ಅವರ ಜೊತೆ 4 ವರ್ಷದ ಬಾಲಕ ಶೂಟಿಂಗ್ ಬರೋನು. ಆಗ ನನ್ನ ನೋಡಿ ಮನೆಗೆ ಹೋದಾಗ ನಾನು ಸುಮಲತಾ ಅವ್ರನ್ನೆ ಮದುವೆಯಾಗೋದು ಅಂತ ಹಠ ಮಾಡಿದ್ದನಂತೆ. ರಾಜ್ ಕುಮಾರ್ ಅವರೇ ನನಗೆ ಇದನ್ನ ಹೇಳಿದ್ರು.

ಶೂಟಿಂಗ್ ನಲ್ಲಿ ಕಣ್ಣಾ ಮುಚ್ಚಾಲೇ ಆಡ್ತಿದ್ವಿ, ಹರಟೆ ಹೊಡೆಯುತ್ತಿದ್ವಿ. ಅಪ್ಪು ಯಾವತ್ತು ಆರೋಗ್ಯ ಸರಿಯಿಲ್ಲ ಅಂತ ಶೂಟಿಂಗ್ ನಿಲ್ಲಿಸಿದವರಲ್ಲ. ಆತನ ನಡವಳಿಕೆ ನೋಡ್ತಿದ್ರೆ ಈತ ನಮ್ಮ ಮನೆಯ ಹುಡುಗನೇ ಅಂತ ಎಲ್ಲರಿಗೂ ಅನ್ನಿಸ್ತಾ ಇತ್ತು. ಆದ್ರೆ ಇವತ್ತು ಅಪ್ಪು ಇಲ್ಲ ಅಂತ ಕಣ್ಣೀರು ಹಾಕಿದ್ದಾರೆ.

What do you think?

-10 Points
Upvote Downvote

Written by suddionenews

Leave a Reply

Your email address will not be published. Required fields are marked *

GIPHY App Key not set. Please check settings

ಪುನೀತ್ ಅವರ ಅಂತಿಮ ವಿಧಿವಿಧಾನ ನಡೆಸೋದು ಯಾರು..? ಇಲ್ಲಿದೆ ಅದರ ಕಂಪ್ಲೀಟ್ ಡಿಟೈಲ್..!

ಕಂಠೀರವ ಸ್ಟುಡಿಯೋ ಆವರಣದಲ್ಲಿ ಪುನೀತ್ ರಾಜ್ ಕುಮಾರ್ ಅಂತ್ಯಕ್ರಿಯೆಗೆ ಸಿದ್ಧತೆ;ಸಿಎಂ