ಸುಳ್ಳು ಆರೋಪ ಮಾಡಿದರೆ ಚಪ್ಪಲಿಯಲ್ಲಿ ಹೊಡೆಯುತ್ತೇನೆ : ಪವನ್ ಕಲ್ಯಾಣ್ : ವೀಡಿಯೋ ನೋಡಿ…!

ಅಮರಾವತಿ: ನಟ, ರಾಜಕಾರಣಿ ಪವನ್ ಕಲ್ಯಾಣ್ ಇಂದು ಸಭೆಯಲ್ಲಿ ಮಾತನಾಡುವಾಗ ಚಪ್ಪಲಿಯನ್ನು ಕೈಗೆತ್ತಿಕೊಂಡಿದ್ದಾರೆ. ಆಡಳಿತರೂಢ ವೈ ಎಸ್ ಆರ್ ಕಾಂಗ್ರೆಸ್ ಪಕ್ಷಕ್ಕೆ ಎಚ್ಚರಿಕೆಯನ್ನು ನೀಡಿದ್ದಾರೆ. ನನ್ನ ಬಗ್ಗೆ ಸುಳ್ಳು ಆರೋಪಗಳನ್ನು ಮಾಡಿದರೆ ಚಪ್ಪಲಿಯಲ್ಲಿ ಹೊಡೆಯುತ್ತೀನಿ ಎಂದಿದ್ದಾರೆ.

ಪವನ್ ಕಲ್ಯಾಣ್ ಅವರನ್ನು ಪ್ಯಾಕೇಜ್ ಸ್ಟಾರ್ ಎಂದು ಕರೆದಿದ್ದಕ್ಕೆ ಏಕವಚನದಲ್ಲಿಯೇ ವಾರ್ನಿಂಗ್ ಕೊಟ್ಟಿದ್ದಾರೆ. ಕಳೆದ ಎಂಟು ವರ್ಷದ ಅವಧಿಯಲ್ಲಿ ನಾನು ಆರು ಸಿನಿಮಾಗಳನ್ನು ಮಾಡಿದ್ದೀನಿ. ಸಿನಿಮಾಗಳಿಂದ 120 ಕೋಟಿ ಆದಾಯ ಬಂದಿದೆ. ಅದಕ್ಕಾಗಿ ನಾನು 33 ರಿಂದ 37 ಕೋಟಿಯವರೆಗೂ ಟ್ಯಾಕ್ಸ್ ಅಮೌಂಟ್ ಕಟ್ಟಿದ್ದೇನೆ. ನೀವು ನನ್ನನ್ನೂ ಪ್ಯಾಕೇಜ್ ಸ್ಟಾರ್ ಎಂದು ಕರೆಯುತ್ತೀರಾ..? ನನ್ನ ವಿರುದ್ಧ ಇಲ್ಲ ಸಲ್ಲದ ಆರೋಪಗಳನ್ನು ಮಾಡಿದರೆ ಚಪ್ಪಲಿ ತೆಗೆದುಕೊಂಡು ಹೊಡೆಯುತ್ತೇನೆ. ಮಾತೆತ್ತಿದರೆ ಮೂರು ಮದುವೆ ಎಂದು ಟೀಕೆ ಮಾಡುತ್ತೀರಲ್ಲ. ನಾನು ಮೂರು ಮದುವೆ ಮಾಡಿಕೊಂಡಿದ್ದೀನಿ ಹೌದು. ಆದರೆ ಯಾರಿಗೂ ಅನ್ಯಾಯ ಮಾಡಿಲ್ಲ.

ಮೊದಲನೇ ಪತ್ನಿಗೆ 5 ಕೋಟಿ ಕೊಟ್ಟಿದ್ದೀನಿ. ಎರಡನೇ ಪತ್ನಿಗೆ ಆಸ್ತಿಯನ್ನು ಕೊಟ್ಟು ವಿಚ್ಛೇಧನ ಪಡೆದಿದ್ದೇನೆ. ಬಳಿಕ ಮದುವೆಯಾಗಿದ್ದು. ನಿಮ್ಮ ರೀತಿ ಒಂದು ಮದುವೆಯಾಗಿ ನೂರು ಮಂದಿ ಜೊತೆಗೆ ಓಡಾಡುತ್ತಿಲ್ಲ. ನನ್ನ ಬಗ್ಗೆ ಮಾತನಾಡುವುದಕ್ಕೂ ಮುನ್ನ ಎಚ್ಚರ. ಒಂದು ವೇಳೆ ಮಾತನಾಡಿದರೆ ಮನೆಯಿಂದ ಹೊರಕ್ಕೆ ಎಳೆದು ಚಪ್ಪಲಿಯಲ್ಲಿ ಹೊಡೆಯುತ್ತೇನೆ ಎಂದು ತಿರುಗೇಟು ನೀಡಿದ್ದಾರೆ.