ಪಂಜಾಬ್ ಜನರ ಸಮಸ್ಯೆ ಅವಳಿಗೆ ಗೊತ್ತು : ಕಾಂಗ್ರೆಸ್ ಸೇರಿದ ತಂಗಿಗೆ ಹಾರೈಸಿದ ನಟ ಸೋನು ಸೂದ್..!

ಸೋನು ಸೂದ್ ಅಂದ್ರೆ ಯಾರಿಗೆ ನೆನಪಿಲ್ಲ ಹೇಳಿ. ಕೊರಿನಾದಂತ ಕಠಿಣ ಕಾಲದಲ್ಲಿ ಸಹಾಯ ಮಾಡಿ ದೇವರೆನಿಸಿಕೊಂಡವರು. ಇದೀಗ ಅವರ ಸಹೋದರಿ ಕಾಂಗ್ರೆಸ್ ಪಕ್ಷ ಸೇರ್ಪಡೆಯಾಗಿದ್ದಾರೆ. ಕಾಂಗ್ರೆಸ್ ಸೇರಿದ ತಂಗಿಗೆ ಸೋನು ಸೂದ್ ಹಾರೈಸಿದ್ದಾರೆ.

ಮಾಳವಿಕ ಸೂದ್ ಕಾಂಗ್ರೆಸ್ ಪಕ್ಷ ಸೇರಿದ್ದು, ಮಾಹಿತಿ ಹಂಚಿಕೊಂಡಿರುವ ಸೋನು ಸೂದ್, ರಾಜಕೀಯ ಕ್ಷೇತ್ರಕ್ಕೆ ಕಾಲಿಟ್ಟ ನನ್ನ ತಂಗಿ ಬಗ್ಗೆ ಹೆಮ್ಮೆ ಇದೆ. ಕಳೆದ ಕೆಲವು ವರ್ಷಗಳಿಂದ ಆಕೆ ಪಂಜಾಬ್ ನಲ್ಲಿ ವಾಸವಿದ್ದಾಳೆ. ಹೀಗಾಗಿ ಆಕೆಗೆ ಅಲ್ಲಿನ ಜನರ ಕಷ್ಟ ಚೆನ್ನಾಗಿಯೇ ಗೊತ್ತು.

ಜನರ ಸಂಪರ್ಕದಲ್ಲಿದ್ದುಕೊಂಡು ಅವರ ಸಮಸ್ಯೆ ಬಗೆಹರಿಸುತ್ತಾಳೆ. ರಾಜಕೀಯದಲ್ಲಿ‌ ಮುಂದುವರೆಯಬೇಕು ಎಂಬುದು ಆಕೆಯ ನಿರ್ಧಾರ ಎಂದಿದ್ದಾರೆ. ಇನ್ನು ಸೋನು ಸೂದ್ ಇಷ್ಟೆಲ್ಲಾ ಸಮಾಜ ಸೇವೆ ಮಾಡುತ್ತಿರುವುದು ರಾಜಕೀಯ ಪ್ರವೇಶಕ್ಕೆ ಎಂದು ಹಲವರು ಮಾತಾಡಿಕೊಳ್ಳುತ್ತಿದ್ದರು. ಅದಕ್ಕೆ ಈಗ ಉತ್ತರ ಕೊಟ್ಟಿದ್ದು, ನಾನು ರಾಜಕೀಯ ಪ್ರವೇಶ ಮಾಡಲ್ಲ. ಆದರೆ ನನ್ನ ಸೇವೆ ಹೀಗೆಯೆ ಮುಂದುವರೆಯುತ್ತೆ ಎಂದಿದ್ದಾರೆ.