ಬೆಂಗಳೂರು: ನಟಿ ಸಂಜನಾ ಗಲ್ರಾನಿ ಕಿರಿಕ್ ವಿಚಾರದಲ್ಲಿ ಮತ್ತೆ ಸುದ್ದಿಯಾಗಿದ್ದಾರೆ. ಕ್ಯಾಬ್ ಡ್ರೈವರ್ ಜೊತೆ ಜಗಳ ಮಾಡಿಕೊಂಡಿರೋ ಪ್ರಕರಣ ವರದಿಯಾಗಿದೆ.
ಇಂದು ಬೆಳಿಗ್ಗೆ ಶೂಟಿಂಗ್ ಸ್ಪಾಟ್ ಗೆ ಹೋಗ್ಬೇಕು ಅಂತ ಸಂಜನಾ ಓಲಾ ಕ್ಯಾಬ್ ಬುಕ್ ಮಾಡಿದ್ದರಂತೆ. ಇಂದಿರಾನಗರದಿಂದ ಕೆಂಗೇರಿಗೆ ಕ್ಯಾಬ್ ಬುಕ್ ಮಾಡಬೇಕಿತ್ತು. ಆದ್ರೆ ಈ ಮಧ್ಯೆ ಆರ್ ಆರ್ ನಗರಕ್ಕೆ ಕ್ಯಾಬ್ ಬುಕ್ ಆಗಿದೆ. ಆ ಬಳಿಕ ಓಲಾ ಚಾಲಕ ಮಣಿ ಓಲಾ ಕಸ್ಟಮರ್ ಕೇರ್ ಗೆ ಕಾಲ್ ಮಾಡಿ ಲೊಕೇಶನ್ ಬದಲಿಸುವಂತೆ ಹೇಳಿದ್ದನಂತೆ.
ಆದ್ರೆ, ಲೊಕೇಶನ್ ಬದಲಾಯಿಸದೇ ಸಂಜನಾ ಚಾಲಕನ ಜೊತೆಯಲ್ಲೇ ವಾಗ್ವಾದಕ್ಕೆ ಇಳಿದಿದ್ದರಂತೆ. ಇದೀಗ ಕಾ್ಯಬ್ ಚಾಲಕ ಸಂಜನಾ ತನಗೆ ಅವಾಚ್ಯ ಶಬ್ಧದಿಂದ ನಿಂದಿಸಿದ್ದಾರೆಂಬ ಆರೋಪ ಮಾಡ್ತಿದ್ದಾರೆ. ತನ್ನ ಮೊಬೈಲ್ ನಲ್ಲಿಯೇ ಸಂಜನಾ ತನ್ನ ಜೊತೆ ಅಸಭ್ಯ ರೀತಿಯಲ್ಲಿ ನಡೆದುಕೊಂಡಿರುವ ಬಗ್ಗೆ ವೀಡಿಯೋ ಮಾಡಿಕೊಂಡಿದ್ದಾರೆ.
ಸಂಜನಾ ಹೇಳಿದ ಜಾಗಕ್ಕೆ ಹೋಗಿಲ್ಲ ಅಂತ ಕೆಂಡಾಮಲರಾಗಿದ್ದರಂತೆ. ಹೀಗಾಗಿ ಅವಾಚ್ಯ ಶಬ್ಧದಿಂದ ಸಂಜನಾ ನಿಂದಿಸಿದ್ರು ಎಂದು ಆರ್ ಆರ್ ನಗರ ಠಾಣೆಗೆ ತೆರಳಿ ಕ್ಯಾಬ್ ಚಾಲಕ ಮಣಿ ದೂರು ನೀಡಲು ಮುಂದಾಗಿದ್ದಾನೆ. ಈ ಮಧ್ಯೆ ಸಂಜನಾ ತನ್ನ ಟ್ವಿಟರ್ ಖಾತೆಯಲ್ಲಿ ಓಲಾ ಕ್ಯಾಬ್ ನಂಬರ್ ಹಾಗೂ ಚಾಲಕನ ಹೆಸರಾಕಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
