ಟಾಲಿವುಡ್ ನಟಿ ಸಮಂತಾ ಹಾಗೂ ನಾಗಚೈತನ್ಯ ತಮ್ಮ ದಾಂಪತ್ಯ ಜೀವನಕ್ಕೆ ಅಂತ್ಯವಾಡಿರೋದು ಹೊಸ ವಿಷಯವಲ್ಲ. ಆದ್ರೆ ಸಮಂತಾ ಈಗ ನಾಗಚೈತನ್ಯರಿಗೆ ಸಂಬಂಧಪಟ್ಟ ಜಾಗಕ್ಕೆ ಹೋಗಿರೋದು ಹೊಸ ವಿಷಯವಾಗಿದೆ.
ಹೌದು, ನಂಗೆ ಯಾವುದೇ ಜೀವನಾಂಶ ಬೇಡವೆಂದು ವಿಚ್ಚೇದನ ಪಡೆದಿರುವ ಸಮಂತಾ, ಸಿನಿಮಾ, ಪ್ರೊಫೇಷನಲ್ ಅಂತ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ಇದೀಗ ಸಿನಿಮಾದ ವಿಚಾರಕ್ಕೆ ಅಕ್ಕಿನೇನಿ ಕುಟುಂಬದ ಸ್ಟುಡಿಯೋಗೆ ಹೋಗಿದ್ದಾರೆ. ಅನ್ನಪೂರ್ಣ ಸ್ಟುಡಿಯೋಗೆ ಡಬ್ಬಿಂಗ್ ಕಾರ್ಯಕ್ಕಾಗಿ ತೆರಳಿದ್ದಾರೆ.
ಶಾಕುಂತಲ ಸಿನಿಮಾ ಸಮಂತಾ ಅವರಿಗೆ ತುಂಬಾನೆ ಮುಖ್ಯ. ಗುಣಶೇಖರ್ ನಿರ್ದೇಶನದಲ್ಲಿ ಈ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಡಬ್ಬಿಂಗ್ ಕಾರ್ಯ ಶುರುವಾಗಿದೆ.ಈ ಡಬ್ಬಿಂಗ್ ಗಾಗಿ ಸಮಂತಾ ನೇರವಾಗಿ ಹೈದ್ರಾಬಾದ್ ನಲ್ಲಿರುವ ತಮ್ಮ ಮಾವ ಅಕ್ಕಿನೇನಿ ನಾಗಾರ್ಜುನ ಕುಟುಂಬದ ಅನ್ನಪೂರ್ಣ ಡಬ್ಬಿಂಗ್ ಸ್ಟುಡಿಯೋಗೆ ಭೇಟಿ ನೀಡಿದ್ದಾರೆ.
ಡಿವೋರ್ಸ್ ಆದ ಬಳಿಕ ಮಾವನವರ ಸ್ಟುಡಿಯೋಗೆ ಹೋಗಿರುವುದು ಕೆಲವರ ಕಣ್ಣು ಅರಳಿಸಿದೆ. ಇನ್ನು ಕೆಲವರು ಸಮಂತಾರ ಕೆಲಸದ ಬದ್ಧತೆಗೆ ಕೊಂಡಾಡಿದ್ದಾರೆ. ವೈಯಕ್ತಿಕ ಜೀವನಕ್ಕೂ ವೃತ್ತಿ ಜೀವನಕ್ಕೂ ಮಿಕ್ಸ್ ಮಾಡದ ಸಮಂತಾರಿಗೆ ಮೆಚ್ವುಗೆ ಸೂಚಿಸಿದ್ದಾರೆ. ಸಮಂತಾ ಕೂಡ ಇದೇ ಮೊದಲ ಬಾರಿಗೆ ಡಿವೊರ್ಸ್ ಆದ ಬಳಿಕ ಮಾಜಿ ಪತಿಗೆ ಸಂಬಂಧ ಪಟ್ಟ ಜಾಗಕ್ಕೆ ಹೋಗಿರೋದು.
