ಬೆಂಗಳೂರು: ಡ್ರಗ್ಸ್ ಜಾಲವನ್ನ ಪೊಲೀಸರು ಭೇದಿಸುತ್ತಿದ್ದಾರೆ. ಅದರಲ್ಲಿ ಒಬ್ಬೊಬ್ಬರಾಗಿಯೇ ಬಲೆಗೆ ಬೀಳ್ತಾ ಇದ್ದಾರೆ. ಇದೀಗ ರತನ್ ಲಾಲ್ ಎಂಬಾತನನ್ನ ಕಾಮಾಕ್ಷಿ ಪಾಳ್ಯ ಪೊಲೀಸರು ವಶಕ್ಕೆ ಪಡೆದು ತೀವ್ರ ವಿಚಾರಣೆ ನಡೆಸುತ್ತಿದ್ದಾರೆ. ವಿಚಾರಣೆಯಲ್ಲಿ ಭಯಾನಕ ಸಂಗತಿಗಳು ಹೊರಬರುತ್ತಿವೆ.
ರತನ್ ಲಾಲ್ ಪೊಲೀಸ್ ಇನ್ಫಾರ್ಮರ್ ಆಗಿ ಕೆಲಸ ಮಾಡುತ್ತಿದ್ದ ಹಾಗೇ ಈತ ಮಾಜಿ ಸಚಿವ ಸಿ ಪಿ ಯೋಗೀಶ್ವರ್ ಅವರ ಹಿರಿಯ ಪತ್ನಿಯ ಸಹೋದರ ಎಂಬುದು ತಿಳಿದು ಬಂದಿದೆ. ಆದ್ರೆ ಅವರಿಗೂ ಇದಕ್ಕೂ ಯಾವುದೇ ಸಂಬಂಧವಿಲ್ಲ ಜೊತೆಗೆ ರತನ್ ಲಾಲ್ ಗೂ ಸಿ ಪಿ ಯೋಗೀಶ್ವರ್ ಕುಟುಂಬಕ್ಕೂ ಸಂಪರ್ಕವಿಲ್ಲ ಎಂಬ ಮಾಹಿತಿಯೂ ಸ್ಪಷ್ಟವಾಗಿದೆ.
ಆರೋಪಿ ರತನ್ ಲಾಲ್ ಹಲವು ವರ್ಷಗಳಿಂದಲುಜ ಡ್ರಗ್ಸ್ ದಂಧೆಗೆ ಇಳಿದಿದ್ದ. ಹಾಗೇ ಈ ದಂಧೆಯಿಂದಲೇ ಸಾಕಷಗಟು ಹಣವನ್ನು ಸಂಪಾದನೆ ಮಾಡುತ್ತಿದ್ದ. ಅಷ್ಟೆ ಅಲ್ಲ ಈ ಆರೋಪಿ ಆ ದಂಧೆಗೆ ಪೊಲೀಸರನ್ನೇ ಗಾಳವಾಗಿ ಬಳಸಿಕೊಂಡಿದ್ದನಂತೆ. ಹೀಗಾಗಿಯೇ ಅನುಮಾನ ಬಾರದಿರಲೆಂದೆ ಪೊಲೀಸ್ ಇನ್ಫಾರ್ಮರ್ ಆಗಿ ಕೆಲಸ ಮಾಡಿದ್ದಾನೆ.
ರತನ್ ಆಂಧ್ರಪ್ರದೇಶದ ನಕ್ಸಲರಿಂದ ಗಾಂಜಾ ತರಿಸುತ್ತಿದ್ದ ಎನ್ನಲಾಗಿದೆ. ಇನ್ನು ನಾನ್ ಸಿಂಥೆಟಿಕ್ ಡ್ರಗ್ಸ್ ಗಳನ್ನು ರಾಜಸ್ಥಾನದ ಪೆಡ್ಲರ್ ಗಳಿಂದ ತರಿಸುತ್ತಿದ್ದನಂತೆ. ಪ್ರತಿಷ್ಟಿತ ಉದ್ಯಮಿಗಳಿಗೆ ಡ್ರಗ್ಸ್ ಅನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿದ್ದನಂತೆ.