ಇಂಗ್ಲೀಷ್ ನಾಣ್ಣುಡಿ ಹೇಳಲು ಹೋಗಿ ರಮೇಶ್ ಕುಮಾರ್ ಯಡವಟ್ಟು : ಹೆಣ್ಣಿನ ಬಗ್ಗೆ ಮಾತಾಡಿದ್ದಕ್ಕೆ ಕ್ಷಮೆಗೆ ಒತ್ತಾಯ..!

ಬೆಳಗಾವಿ: ಸದನದಲ್ಲಿ ನಿನ್ನೆ ಮಾಜಿ ಸಚಿವ, ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಆಡಿದ ಮಾತು ಇಂದು ಕೋಲಾಹಲ ಸೃಷ್ಟಿಸಿದೆ. ಯಾವಾಗ ಅತ್ಯಾಚಾರಕ್ಕೆ ಒಳಗಾಗುತ್ತಾರೋ ಆಗ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಆಗ ಮಲಗಿ ಆನಂದಿಸಬೇಕು. ಅಂಥಾ ಪರಿಸ್ಥಿತಿಯಲ್ಲಿ ನೀವಿದ್ದೀರಿ ಎಂದು ನಿನ್ನೆ ರಮೇಶ್ ಕುಮಾರ್ ಕಲಾಪದಲ್ಲಿ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದರು.

ಇದೀಗ ಬಿಜೆಪಿ ನಾಯಕರು ಇಂದು ಸದನದಲ್ಲಿ ಈ ಬಗ್ಗೆ ಬಿಜೆಪಿ ಆಕ್ಷೇಪ ವ್ಯಕ್ತಪಡಿಸಲು ಸಿದ್ಧವಾಗಿದೆ. ಕಲಾಪಕ್ಕೆ ಹೋಗುವ ಮುನ್ನ ಈ ಬಗ್ಗೆ ಮಾತನಾಡಿರುವ ಬಿಜೆಪಿ ನಾಯಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಅನೇಕ ಬಾರಿ ದೊಡ್ಡ ಉಪದೇಶ ಮಾಡ್ತಾರೆ. ಆದ್ರೆ ಹೆಣ್ಣು ಮಕ್ಕಳ ಬಗ್ಗೆ  ಹಗುರವಾಗಿ ಮಾತಾಡ್ತಾರೆ. ರಮೇಶ್ ಕುಮಾರ್ ಕ್ಷಮೆಯಾಚಿಸಬೇಕು ಎಂದು ಮಾಜಿ ಸಿಎಂ ಬಿಎಸ್ ಯಡಿಯೂರಪ್ಪ ಕಿಡಿಕಾರಿದ್ದಾರೆ.

ಇನ್ನು ಮುನಿರತ್ನ ಮಾತನಾಡಿದ್ದು, ಅವರು ಮುಂದಿನ ಜನ್ಮದಲ್ಲಿ ಹೆಣ್ಣಾಗಿ ಹುಟ್ಟಲಿ. ಆಗ ಅವರಿಗೆ ಅನುಭವಾವಗಲಿದೆ. ಹೆಣ್ಣಿನ ಕಷ್ಟ ರಮೇಶ್ ಕುಮಾರ್ ಗೆ ಗೊತ್ತಿಲ್ಲ. ಸೀರೆ ಹುಟ್ಟಿಕೊಂಡು ಹೋಗಲಿ ಎಂದಿದ್ದಾರೆ.