ಬೆಂಗಳೂರು: ಅಮೆರಿಕಾದಿಂದ ಪವರ್ ಸ್ಟಾರ್ ಪುನೀತ್ ಪುತ್ರಿ ಧೃತಿ ಬೆಂಗಳೂರು ತಲುಪಿದ್ದಾರೆ. ಸದಾಶಿವ ನಗರದ ಮನೆಗೆ ಹೋಗಿ ನಂತರ ಕಂಠೀರವ ಸ್ಟೇಡಿಯಂಗೆ ಬಂದಿದ್ದಾರೆ. ಅಲ್ಲಿ ತಂದೆ ಮಲಗಿರೋದನ್ನ ನೋಡಿ ಬಿಕ್ಕಳಿಸಿ ಅತ್ತಿದ್ದಾರೆ.
ನಿನ್ನೆ ಬೆಳಗ್ಗೆಯೇ ತಂದೆಯ ಸಾವಿನ ಸುದ್ದಿ ಕೇಳಿಯೇ ಆಘಾತವಾಗಿದೆ. ಅಮೆರಿಕಾದಿಂದ ಹೊರಟಾದಾಗಿನಿಂದಲೂ ಒಬ್ಬಂಟಿ ಪ್ರಯಾಣ ಮತ್ತಷ್ಟು ನೋವು ತರಿಸಿದೆ. ಅಪ್ಪನ ಪಾರ್ಥಿವ ಶರೀರ ಕಂಡು ಆ ದುಃಖವೆಲ್ಲ ಉಮ್ಮಳಿಸಿ ಬಂದಿದೆ. ಅಮ್ಮನನ್ನು ತಬ್ಬಿ ಗಳಗಳನೇ ಧೃತಿ ಅತ್ತಿದ್ದಾರೆ.
ಇಬ್ಬರು ಪುತ್ರಿಯರು ಅಮ್ಮನನ್ನ ತಬ್ಬಿ ಅಳುವ ದೃಶ್ಯ ಎಂಥವರ ಮನಸ್ಸನ್ನು ಕರಗುವಂತರ ಮಾಡಿತ್ತು. ಅಶ್ವಿನ್ ಪುನೀತ್ ರಾಜ್ ಕುಮಾರ್ ಅವರಿಗೂ ಅಪ್ಪು ಇನ್ನಿಲ್ಲ ಅನ್ನೋ ನೋವೇ ಅರಗಿಸಿಕೊಳ್ಳೋದಕ್ಕೆ ಆಗುತ್ತಿಲ್ಲ. ಇನ್ನು ಮಕ್ಕಳ ಜವಬ್ದಾರಿ, ಅವರನ್ನ ಸಮಾಧಾನ ಮಾಡುತ್ತಲೇ ತಾವು ದುಃಖತಪ್ತರಾಗಿದ್ದರು. ದೊಡ್ಡಪ್ಪ ಶಿವಣ್ಣ ಅವರೇ ಮಕ್ಕಳನ್ನ ಸಮಾಧಾನ ಮಾಡುತ್ತಿದ್ದರು.
ಅಪ್ಪುವಿನ ಶರೀರದ ಮುಂದೆ ಕುಳಿತು ಮೂವರು ಅಳುತ್ತಿರುವ ದೃಶ್ಯ ನೋಡೋದಕ್ಕೆ ಎಲ್ಲರ ಹೊಟ್ಟೆಯಲ್ಲಿ ಸಂಕಟ ಹುಟ್ಟಿಸುತ್ತಿದೆ. ಆ ದುಃಖ ತಡೆದುಕೊಳ್ಳುವ ಶಕ್ತಿ ದೇವರು ನೀಡಲಿ ಅನ್ನೋದೆ ಎಲ್ಲರ ಕೋರಿಕೆ.
Newbie Techy