ಎರಡನೇ ಮದುವೆಗೆ ಕೊರಗಜ್ಜನ ಮೊರೆ ಹೋದ ಪ್ರೇಮಾ : ಮದುವೆ ಬಗ್ಗೆ ಹೇಳಿದ್ದೇನು..?

ನಟಿ ಪ್ರೇಮಾ ವೈವಾಹಿಕ ಜೀವನದಲ್ಲಿ ಏಳುಬೀಳಾಗಿದ್ದೆಲ್ಲವೂ ಎಲ್ಲರಿಗೂ ಗೊತ್ತಿರುವ ವಿಚಾರ. ಇದೀಗ ಎರಡನೇ ಮದುವೆ ಬಗ್ಗೆ ಯೋಚನೆ ಮಾಡುತ್ತಿದ್ದಾರೆ. ಅದಕ್ಕಾಗಿಯೇ ಉಡುಪಿಯ ಕಾಪು ಬಳಿ ಇರುವ ಕೊರಗಜ್ಜನಿಗೆ ಹೋಗಿ, ವಿಶೇಷ ಪೂಜೆ ಮಾಡಿಸಿ, ಎರಡನೇ ಮದುವೆ ಸುಸೂತ್ರವಾಗಿ ಆಗುವಂತೆ ಮಾಡಲು ಬೇಡಿಕೊಂಡರಂತೆ. ಈ ಸುದ್ದಿ ಎಲ್ಲೆಡೆ ಹರಿದಾಡುತ್ತಿದ್ದು, ಇದೀಗ ನಟಿ ಪ್ರೇಮಾ ಅವರೇ ಈ ಸುದ್ದಿಗೊಂದು ಸ್ಪಷ್ಟನೆ ನೀಡಿದ್ದಾರೆ.

ಈ ಬಗ್ಗೆ ಮಾತನಾಡಿದ ನಟಿ ಪ್ರೇಮಾ, ಎರಡನೇ ಮದುವೆ ಬಗ್ಗೆ ಹಬ್ಬಿರುವುದೆಲ್ಲವೂ ಸುಳ್ಳು. ನಾನು ಹೊಸ ಹೊಸ ಕೆಲಸಗಳ ಬಗ್ಗೆ ಯೋಚನೆ ಮಾಡುತ್ತಾ ಇರುತ್ತೀನಿ. ಕೊರಗಜ್ಜನ ದೇವಸ್ಥಾನಕ್ಕೆ ಭೇಟಿ ನೀಡಿದ್ದು, ಎರಡನೇ ಮದುವೆ ವಿಚಾರವಾಗಿ ಅಲ್ಲ, ಸ್ನೇಹಿತೆಯ ಮದುವೆಗೆ ಹೋಗಿ, ಅಲ್ಲಿಂದ ದೇವರ ದರ್ಶನ ಮಾಡಿ ಬಂದೇ. ಎರಡನೇ ಮದುವೆ ಆಗುವುದಾದರೇ ತಿಳಿಸಿಯೇ ಆಗುತ್ತೇನೆ. ಮದುವೆ ವಿಚಾರ ಇದೊಂದು ಗಾಸಿಪ್ ವಿಚಾರ ಅಷ್ಟೇ ಎಂದಿದ್ದಾರೆ.