ಸುಭಾಷ್ ಚಂದ್ರಬೋಸ್ ಹಾಲೋಗ್ರಾಂ ಪುತ್ಥಳಿ ಅನಾವರಣ ಮಾಡಿದ ಪ್ರಧಾನಿ

ಇಂದು ಸುಭಾಷ್ ಚಂದ್ರ ಬೋಸ್ ಅವರ ಜನ್ಮದಿನ. ಇಡೀ ದೇಶವೇ ಅವರ ಜನ್ಮದಿನವನ್ನ ಆಚರಿಸಿದೆ. ದೇಶಕಂಡ ಅಪ್ರತಿಮ ಕ್ರಾಂತಿಕಾರಿಯನ್ನ ಸ್ಮರಿಸಿದ್ದಾರೆ. ಸುಭಾಷ್ ಚಂದ್ರ ಬೋಸ್ ಅವರ 125ನೇ ಜನ್ಮ ದಿನಾಚರಣೆಯ ಅಂಗವಾಗಿ, ಇಂದು ಪ್ರಧಾನಿ ಮೋದಿ ಅವರು ಹಾಲೋಗ್ರಾಂ ಪುತ್ಥಳಿಯನ್ನ ನಿರ್ಮಿಸಿದ್ದಾರೆ.

ಇಂಡಿಯಾ ಗೇಟ್ ಬಳಿ ಈ ಪ್ರತಿಮೆ ನಿರ್ಮಾಣ ಮಾಡಿದ್ದಾರೆ. 28 ಅಡಿ ಉದ್ಧ 6 ಅಡಿ ಅಗಲವಿರುವ ಪ್ರತಿಮೆಯನ್ನ ನಿರ್ಮಾಣ ಮಾಡಲಾಗಿದೆ.

ಪ್ರತಿಮೆ ಅನಾವರಣದ ಬಳಿಕ ಮಾತನಾಡಿದ ಪ್ರಧಾನಿ ಮೋದಿ, ಇದು ಇಡೀ ದೇಶಕ್ಕೆ ಒಂದು ಅವಿಸ್ಮರಣೀಯ ದಿನ. ನೇತಾಜಿಯವರು ಹೇಳುತ್ತಿದ್ದರು. ಸ್ವಾತಂತ್ರ್ಯ ಎಂದರೆ ಭಿಕ್ಷೆಯಲ್ಲ ಅದು ನಮ್ಮ ಹಕ್ಕು. ಅದನ್ನು ಪಡೆದೆ ತೀರುತ್ತೇವೆ ಎಂದು. ನಮ್ಮನ್ನು ಕಾಡಿದ ಬ್ರಿಟಿಷರಿಗೆ ಅವರು ಸಿಂಹಸ್ವಪ್ನವಾಗಿದ್ದರು. ಇಂತಹ ಕ್ರಾಂತಿಕಾರಿ ನಮ್ಮ ಯುವಜನತೆಗೆ ಸ್ಪೂರ್ತಿಯಾಗಬೇಕು ಎಂದಿದ್ದಾರೆ.