ಒಂದು ದಿನ ಅಲ್ಲ.. ಪ್ರಧಾನಿ ರೋಡ್ ಶೋ ಎರಡು ದಿನ.. ಎಲ್ಲಿ, ಯಾವಾಗ ಎಂಬ ಮಾಹಿತಿ ಇಲ್ಲಿದೆ…!

ಬೆಂಗಳೂರು: ರಾಜ್ಯ ವಿಧಾನಸಭಾ ಚುನಾವಣೆಗೆ ದಿನಗಣನೇ ಶುರುವಾಗುತ್ತಲೇ ರಾಷ್ಟ್ರ ನಾಯಕರು ಕೂಡ ಪ್ರಚಾರದ ಬಿರುಸನ್ನು ಹೆಚ್ಚಿಸಿಕೊಂಡಿದ್ದಾರೆ. ಸದ್ಯ ಪ್ರಧಾನಿ‌ ಮೋದಿ ಬಿಜೆಪಿ ಅಭ್ಯರ್ಥಿಗಳ ಪರ ಜಿಲ್ಲೆ ಜಿಲ್ಲೆಗಳಿಗೂ ಮತಯಾಚನೆ ಮಾಡುತ್ತಿದ್ದಾರೆ. ಈಗ ಬೆಂಗಳೂರಿನಲ್ಲೂ ಮತಯಾಚನೆಗೆ ದಿನಾಂಕ ಸಜ್ಜಾಗಿದೆ. ಈ ಹಿಂದೆ ಒಂದು ದಿನ ಮಾತ್ರ ಮತಯಾಚನೆಗೆ ನಿಗದಿಯಾಗಿದ್ದ ದಿನ, ಈಗ ಎರಡು ದಿನವಾಗಿದೆ.

ಅಂದ್ರೆ ಪ್ರಧಾನಿ ಮೋದಿ ಅವರು ಮೇ 6 ರಂದು ಬೆಂಗಳೂರಿಗೆ ಬರಲಿದ್ದಾರೆ. ಶನಿವಾರ ರೋಡ್ ಶೋ ಮಾಡುವ ಯೋಜನೆಯಲ್ಲಿದ್ದರು. ಆದರೆ ಈಗ ಶನಿವಾರ ಮಾತ್ರವಲ್ಲ ಭಾನುವಾರವೂ ಮೋದಿ ಬೆಂಗಳೂರಿನಲ್ಲಿ ರೋಡ್ ಶೋ ಮಾಡಲಿದ್ದಾರೆ.

ಆದ್ರೆ ಪೂರ್ತಿ ದಿನ ರೋಡ್ ಶೋ ಇರುವುದಿಲ್ಲ. ಬದಲಿಗೆ ಶನಿವಾರ ಬೆಳಗ್ಗೆ 10 ಕಿ.ಮೀ ರೋಡ್ ಶೋ ನಡೆಯುತ್ತದೆ. ಸಂಜೆ 26 ಕಿ.ಮೀ ನಡೆಯಬೇಕಿದ್ದ ರೋಡ್ ಶೋ ಭಾನುವಾರ ಬೆಳಗ್ಗೆಗೆ ಮುಂದುವರೆಯುತ್ತದೆ. ಈ ಮೆಗಾ ರ್ಯಾಲಿ ಸಾಗುವ ಮಧ್ಯೆ ಕೆಲ ಮಾರ್ಗ ಕೂಡ ಬದಲಾವಣೆಯಾಗಿದೆ.