ಕಳೆದ ಚುನಾವಣೆಯಲ್ಲಿ ಮತ ಹಾಕಿಲ್ಲ,‌ಮುಂದೆ ಹಾಕ್ತೀರಿ ಅನ್ನೋ ನಂಬಿಕೆಯೂ ಇಲ್ಲ : ಶಾಸಕ ಪ್ರೀತಂ ಗೌಡ

ಹಾಸನ: ಶಾಸಕ ಪ್ರೀತಂ ಗೌಡ ಕಾರ್ಯಕ್ರಮದಲ್ಲಿ ಬೇಸರ ಹೊರ ಹಾಕಿದ್ದಾರೆ. ನೀವೂ ನನಗೆ ಮತ ಹಾಕದೆ ಇದ್ದರು ನಾನು ನಿಮಗೆ ಕೆಲಸ‌ ಮಾಡಿಕೊಡ್ತೇನೆ. ಕಳೆದ ಚುನಾವಣೆಯಲ್ಲೂ ನನಗೆ ಮತ ಹಾಕಿಲ್ಲ. ಮುಂದಿನ ಚುನಾವಣೆಯಲ್ಲೂ ಮತ ಹಾಕ್ತೀರಿ ಎಂಬ ನಂಬಿಕೆ ಇಲ್ಲ ಎಂದಿದ್ದಾರೆ.

ನಗರದಲ್ಲಿ 30-31ನೇ ವಾರ್ಡ್ ಗೆ ಸಂಬಂಧಿಸಿದಂತೆ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿ, ಈ ರೀತಿ ಹೇಳಿದ್ದಾರೆ. ನನಗೇನು ಈಗಲೇ ಮತ ಹಾಕಬೇಕು ಎಂಬುದಿಲ್ಲ. 2013ರಲ್ಲಿ ಹಾಕದೆ ಹೋದರೆ ಏನಂತೆ 2028ಕ್ಕೆ ಹಾಕಿಯೇ ಹಾಕ್ತೀರಾ. ಆದ್ರೆ ಬಿಜೆಪಿ ಹೆಸರು ಬಳಸಿ ಅದಕ್ಕೆ ಮತ ಹಾಕಬೇಡಿ ಎಂದವರಿಗೆ ಯಾವತ್ತು ಮತ ಹಾಕಬೇಡಿ.

ಎಲ್ಲರಿಗೂ ತಲೆಗೆ ಹೋಗಲಿ ಎಂದು ತಾಕೀತು ಮಾಡುತ್ತಿದ್ದೇನ. ಅದಕ್ಕೆ ಒತ್ತಿ ಒತ್ತಿ ಹೇಳುತ್ತಿದ್ದೇನೆ. ಪ್ರೀತಂ ಗೌಡ ವಿರುದ್ಧ ಮತ ಹಾಕಿ ಎನ್ನುವವರನ್ನ ನಿಮ್ಮ ಹತ್ತಿರವೂ ಸುಳಿಯುವುದಕ್ಕೆ ಬಿಡಬೇಡಿ. ನೀವೂ ನನಗೆ ಮತ ಹಾಕದೆ ಹೋದರೂ ನಿಮ್ಮ ಕೆಲಸವನ್ನ ನಾನು ಮಾಡಿಕೊಡುತ್ತೇನೆ ಎಂದಿದ್ದಾರೆ.