ಮಕ್ಕಳಿಗೆ ನಿಜಕ್ಕೂ ಈ ಪ್ರಶ್ನೆ ಅನಿವಾರ್ಯನ..? ಪೋಷಕರಿಂದ ಶಾಲೆ ವಿರುದ್ಧ ಆಕ್ರೋಶ..!

ಮುಂಬೈ: ಶಿಕ್ಷಣ ಮಕ್ಕಳ ಭವಿಷ್ಯವನ್ನ ಉಜ್ವಲವಾಗಿಸುವಂತಿರಬೇಕು. ಪರೀಕ್ಷೆಗಳು ಅವರ ಆತ್ಮಸ್ಥೈರ್ಯವನ್ನ ಹೆಚ್ಚಾಗುವಂತೆ ಮಾಡಬೇಕು. ಅದರಲ್ಲಿರುವ ಪ್ರಶ್ನೆಗಳು ತೂಕ ಇರುವಂತದ್ದಾಗಿರಬೇಕು, ಮಕ್ಕಳ ಓದಿಗೆ ಅನುಕೂಲವಾಗುವಂತಿರಬೇಕು. ಅದನ್ನ ಬಿಟ್ಟು ಮಕ್ಕಳಿಗೆ ಸೆಲೆಬ್ರೆಟಿ ವಿಚಾರದ ಕುತೂಹಲ ಹುಟ್ಟಿಸುವುದಾ..? ಅಂತದ್ದೊಂದು ಘಟನೆ ಖಾಸಗಿ ಶಾಲೆಯಲ್ಲಿ ನಡೆದಿದೆ.

A private school in Khandwa asked the name of film actor Kareena Kapoor Khan and Saif Ali Khan's son in the examination paper of class 6th. The DEO said a show cause notice will be issued to the school @ndtv @ndtvindia @GargiRawat @manishndtv pic.twitter.com/YkERwGYeMB

— Anurag Dwary (@Anurag_Dwary) December 24, 2021

ಮಧ್ಯಪ್ರದೇಶದ ಖಾಸಗಿ ಶಾಲೆಯಲ್ಲಿ 6ನೇ ತರಗತಿ ಮಕ್ಕಳಿಗೆ ಸಿದ್ಧ ಮಾಡಿದ ಪ್ರಶ್ನೆ ಪತ್ರಿಕೆಯಲ್ಲಿ ಸೆಲೆಬ್ರೇಟಿಗಳಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನ‌ ಕೇಳಲಾಗಿದೆ. ಅದರಲ್ಲೂ ಕರೀನಾ ಕಪೂರ್ ಹಾಗೂ ಸೈಫ್ ಅಲಿಖಾನ್ ಮಗನ ಹೆಸರೇನು ಎಂಬ ಪ್ರಶ್ನೆಯನ್ನ ಮಕ್ಕಳ ಪ್ರಶ್ನೆ ಪತ್ರಿಕೆಯಲ್ಲಿ ಕೇಳಲಾಗಿದೆ. ಈ ಪ್ರಶ್ನೆ ಪತ್ರಿಕೆ ಸದ್ಯಕ್ಕೆ ವೈರಲ್ ಆಗಿದ್ದು, ಎಲ್ಲರಿಗೂ ಒಂದು ಕ್ಷಣ ಶಾಕ್ ಆಗಿದೆ.

6ನೇ ತರಗತಿ ಮಕ್ಕಳಿಗೆ ಪ್ರಸ್ತುತ ಘಟನೆಯ ಬಗ್ಗೆ ಪರೀಕ್ಷೆ ನಡೆಸಲಾಗಿದೆ. ಅದರಲ್ಲಿ ಕರೀನಾ ಹಾಗೂ ಸೈಫ್ ಅಲಿಖಾನ್ ಮಗನ ಹೆಸರಿನ ಪ್ರಶ್ನೆ ಕೇಳಲಾಗಿದೆ. ವೈರಲ್ ಆದ ಪ್ರಶ್ನೆ ಪತ್ರಿಕೆ ಕಂಡು ಪೋಷಕರು ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮಕ್ಕಳಿಗೆ ಈ ರೀತಿ ಪರೀಕ್ಷೆ ಮಾಡಿ ಯಾವ ರೀತಿಯ ಭವಿಷ್ಯ ಕಟ್ಟಿಕೊಡ್ತಾರೆ ಎಂಬ ಪ್ರಶ್ನೆಗಳು ಉದ್ಭವವಾಗಿವೆ. ಸೋಷಿಯಲ್ ಮೀಡಿಯಾದಲ್ಲಿ ಪ್ರಶ್ನೆ ಪತ್ರಿಕೆ ವೈರಲ್ ಆಗಿದೆ.