ಹೊಸದಾಗಿ‌ ಮಕ್ಕಳನ್ನು ಶಾಲೆಗೆ ಸೇರಿಸುವ ಪೋಷಕರಿಗೆ ಗುಡ್ ನ್ಯೂಸ್ ಕೊಟ್ರು ಮಧು ಬಂಗಾರಪ್ಪ..!

ಬೆಂಗಳೂರು; ಒಂದನೇ ತರಗತಿಗೆ ಮಕ್ಕಳನ್ನು ಸೇರಿಸಬೇಕೆಂದರೆ ಕಡ್ಡಾಯವಾಗಿ 6 ವರ್ಷ ತುಂಬಿರಬೇಕು ಎಂಬ ನಿಯಮವಿತ್ತು. ಇದು ಅದೆಷ್ಟೋ ಪೋಷಕರಿಗೆ ಕಷ್ಟಕರವಾಗಿತ್ತು. ಎರಡ್ಮೂರು ತಿಂಗಳ ಅಂತರವಿದ್ದರು ಆ ಮಕ್ಕಳನ್ನ ಸೇರಿಸಿಕೊಳ್ಳುತ್ತಿರಲಿಲ್ಲ. ಮುಂದಿನ ವರ್ಷದ ಅಷ್ಟರಲ್ಲಿ ಒಂದು ವರ್ಷ ವ್ಯರ್ಥವಾಗುತ್ತದೆ. ಇದು ಪೋಷಕರ ಅಳಲಾಗಿತ್ತು. ಇದೀಗ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಖುಷಿ ವಿಚಾರವೊಂದನ್ನ ತಿಳಿಸಿದ್ದಾರೆ. ಇದು ಹೊಸದಾಗಿ ಮಕ್ಕಳನ್ನ ಶಾಲೆಗೆ ಸೇರಿಸುವ ಪೋಷಕರಿಗೆ ಸಿಹಿ ಸುದ್ದಿಯಾಗಿದೆ.

ಈ ಸಂಬಂಧ ಸಚಿವರು ಭರವಸೆ‌ ನೀಡಿದ್ದು, ಮುಂದಿನ ಎರಡ್ಮೂರು ದಿನಗಳ ಒಳಗಾಗಿ ನಿರ್ಧಾರ ಆಗಲಿದೆ. ಇಷ್ಟು ದಿನ ಕೋರ್ಟ್ ವಿಚಾರ , ಮಕ್ಕಳು 1ನೇ ತರಗತಿಗೆ ಅಡ್ಮಿಷನ್ ಪಡೆಯುವುದಕ್ಕೆ ಆರು ವರ್ಷ ತುಂಬಿರಬೇಕು ಎಂದು ಹೇಳಲಾಗಿತ್ತು. ಈಗ ಕೋರ್ಟ್ ಬಿಟ್ಟು ರಾಜ್ಯ ಸರ್ಕಾರದ ತೀತ್ಮಾನವೇ ಅಂತಿಮ ಅನ್ನೋದು ಕೂಡ ಇದೆ. ಈ ಬಗ್ಗೆ ಯೋಚನೆ ಮಾಡುತ್ತಿದ್ದೇವೆ. ಮಕ್ಕಳಿಗೆ, ಪೋಷಕರಿಗೆ ತೊಂದರೆಯಾಗಬಾರದು. ಅದರಲ್ಲೂ ಯಾವುದೇ ಮಗುವಿನ ವರ್ಷಗಳು ವೇಸ್ಟ್ ಆಗಬಾರದು. ಈ ಸಂಬಂಧ ಎರಡು ದಿನ ಸಭೆ ಮಾಡಿದ್ದೇವೆ. ಮುಂದಿನ ಎರಡ್ಮೂರಿ ದಿನಗಳ ಒಳಗೆ ಒಳ್ಳೆಯ ತೀರ್ಮಾನ ಮಾಡುತ್ತೇವೆ ಎಂದಿದ್ದಾರೆ.

ಈ ಸುದ್ದಿ ಪೋಷಕರಿಗೆ ಕೊಂಚ ನಿರಾಳ ಎನಿಸಿದೆ. ಎಲ್ಕೆಜಿ, ಯುಕೆಜಿ ಶಿಕ್ಷಣ ಮುಗಿದ‌ ಮೇಲೆ ನೇರವಾಗಿ ಒಂದನೇ ತರಗತಿಗೆ ಹೋಗಬೇಕು. ಆದರೆ ಒಂದೆರಡು ದಿನಗಳ ಕಾಲ ಕಡಿಮೆ ಇದ್ದರು ಶಾಲೆಯಲ್ಲಿ ಅಡ್ಮಿಷನ್ ಮಾಡಿಕೊಳ್ಳುವುದಕ್ಕೆ ಅವಕಾಶವೇ‌ ಇರಲಿಲ್ಲ. ಈಗ ಪೋಷಕರಿಗೆ ಸಮಾಧಾನ ತರಿಸಿದೆ. ಈ ರೂಲ್ಸ್ ಆದಷ್ಟು ಬೇಗ ಬರಲಿ ಎಂದೇ ಮಾತಾಡಿಕೊಳ್ಳುತ್ತಿದ್ದಾರೆ.