in

ಪಾಗಲ್ ಪ್ರೇಮಿಯ ಹುಚ್ಚಾಟಕ್ಕೆ 25 ವರ್ಷದ ಯುವತಿ ಸಾವು..!

suddione whatsapp group join

ಬೆಂಗಳೂರು: ಈ ಪ್ರೀತಿ ಅನ್ನೋ ಹುಚ್ಚಾಟ ಕೆಲವೊಮ್ಮೆ ಪ್ರಾಣವನ್ನೇ ತೆಗೆದು ಬಿಡುತ್ತೆ. ಅಂಥದ್ದೇ ಘಟನೆ ಸಿಲಿಕಾನ್ ಸಿಟಿಯಲ್ಲಿ ನಡೆದಿದೆ. ಹಾಗಂತ ಆ ಹುಡುಗಿ ಪ್ರೀತಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಲ್ಲ, ಹುಡುಗನ ಹುಚ್ಚಾಟಕ್ಕೆ ಹೆದರಿ ಆತ್ಮಹತ್ಯೆ ಮಾಡಿಕೊಂಡಿರೋದು.

25 ವರ್ಷದ ಸಾಕ್ಷಿ ಎಂಬ ಯುವತಿ ಮನೆಯಲ್ಲೇ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಪೀಣ್ಯಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಅರಯಣ್ ಎಂಬಾತನ ಹುಚ್ಚಾಟಕ್ಕೆ ಒಂದು ಹುಡುಗಿಯ ಪ್ರಾಣವೇ ಹೋಗಿದೆ.

ಅರುಣ್ ಎಂಬಾತ ಸಾಕ್ಷಿಯನ್ನ ಪ್ರೀತಿಸುವಂತೆ ಪೀಡಿಸುತ್ತಿದ್ದನಂತೆ. ಮದುವೆ ಮಾಡಿಕೋ ಅಂತ ಹೆದರಿಸುತ್ತಿದ್ದನಂತೆ. ಸ್ನೇಹಿತ ಗೋಪಾಲ್ ಎಂಬಾತನ ಜೊತೆ ಸೇರಿ, ಹುಡುಗಿಯ ಮಾವನಿಗೆ ಪೊಲೀಸರ ಹೆಸರಲ್ಲಿ ಕರೆಯನ್ನು ಮಾಡಿದ್ದರಂತೆ. ಅರುಣ್ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದಾನೆ. ನಿಮ್ಮ ಹುಡುಗಿ ಮದುವೆಯಾಗಲಿಲ್ಲವೆಂದರೆ ಸಾಯೋದಾಗಿ ಹೇಳುತ್ತಿದ್ದಾನೆ. ಹೀಗಾಗಿ ಬಸವೇಶ್ವರ ಠಾಣೆಯಲ್ಲಿ ದೂರು ದಾಖಲಿಸಿರುವುದಾಗಿ ಹೇಳಿದ್ದನಂತೆ.

ಈ ವಿಷಯ ತಿಳಿದ ಯುವತಿ ಭಯಗೊಂಡಿದ್ದಾಳೆ. ಇದರಿಂದಾನೆ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆಂದು ಯುವತಿಯ ಪೋಷಕರು ಹೇಳಿದ್ದಾರೆ. ಸದ್ಯ ಗೋಪಾಲ್ ಹಾಗೂ ಅರುಣ್ ನನ್ನು ಪೊಲೀಸರು ಬಂಧಿಸಿದ್ದಾರೆ. ಪೀಣ್ಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

What do you think?

Written by suddionenews

Leave a Reply

Your email address will not be published. Required fields are marked *

GIPHY App Key not set. Please check settings

ಅಪ್ಪು ಅಕಾಲಿಕ ನಿಧನ : ಹುಟ್ಟುಹಬ್ಬ ಆಚರಿಸದಿರಲು ಶ್ರೀಮುರುಳಿ ನಿರ್ಧಾರ..!

303 ಹೊಸ ಸೋಂಕಿತರು.. 2 ಸಾವು..!