ಸಚಿವ ಜಮೀರ್ ಅಹಮದ್‍ಖಾನ್ ನೀಡಿರುವ ನೂತನ ಅಂಬ್ಯುಲೆನ್ಸ್ ವಾಹನಕ್ಕೆ ಚಾಲನೆ

ವರದಿ ಮತ್ತು ಫೋಟೋ ಕೃಪೆ
ಕೆ.ಎಂ. ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ, ಜನವರಿ. 25 : ಕರ್ನಾಟಕ ರಾಜ್ಯ ವಕ್ಫ್ ಸಚಿವ ಬಿ.ಝಡ್.ಜಮೀರ್ ಅಹಮದ್‍ಖಾನ್ ನೀಡಿರುವ ನೂತನ ಅಂಬ್ಯುಲೆನ್ಸ್ ವಾಹನಕ್ಕೆ ದಾವಣಗೆರೆ ರಸ್ತೆಯಲ್ಲಿರುವ ಹೈದರ್ ಷಾವಲಿ ದರ್ಗಾ ಆವರಣದಲ್ಲಿ ಶುಕ್ರವಾರ ಚಾಲನೆ ನೀಡಲಾಯಿತು.

ಕರ್ನಾಟಕ ರಾಜ್ಯ ವಕ್ಫ್ ಮಂಡಳಿ ಮಾಜಿ ಚೇರ್ಮನ್ ಹಾಲಿ ಸದಸ್ಯ ಕೆ.ಅನ್ವರ್ ಭಾಷ ಅಂಬ್ಯುಲೆನ್ಸ್ ವಾಹನಕ್ಕೆ ಚಾಲನೆ ನೀಡಿ ಮಾತನಾಡುತ್ತ ಕಳೆದ ನೂರು ವರ್ಷಗಳಿಂದಲೂ ಹೈದರ್‍ಷಾವಲಿ ದರ್ಗಾದಲ್ಲಿ ಪ್ರತಿ ವರ್ಷವೂ ಉರುಸ್ ಮತ್ತು ಸಂದಲ್ ನಡೆಯುತ್ತಿರುವ ಈ ಸಂದರ್ಭದಲ್ಲಿ ವಕ್ಫ್ ಸಚಿವರು ನೀಡಿರುವ ಅಂಬ್ಯುಲೆನ್ಸ್ ವಾಹನ ಐ.ಸಿ.ಯು. ವೆಂಟಿಲೇಟರ್‍ನೊಂದಿಗೆ ಸುಸಜ್ಜಿತವಾಗಿದೆ. ಸಾರ್ವಜನಿಕರು ಅಂಬ್ಯುಲೆನ್ಸ್ ಸೇವೆಯ ಸದುಪಯೋಗಪಡಿಸಿಕೊಳ್ಳುವಂತೆ ಮನವಿ ಮಾಡಿದರು.

ಸೈಯದ್ ನಯಾಜ್, ಜಿಲ್ಲಾ ವಕ್ಫ್ ಮಂಡಳಿ ಮಾಜಿ ಚೇರ್ಮನ್ ಇಕ್ಬಾಲ್ ಹುಸೇನ್, ಅನ್ವರ್‍ಭಾಷ ವರದ, ಮಹಮದ್ ಸೈಫುಲ್ಲಾ, ಮಹಮದ್ ಸಾಧಿಕ್, ನೂರುಲ್ಲಾ, ಮುಹಿಬುಲ್ಲಾ, ಮಹ್ಮದ್ ಮೌಸಿನ್ ಪಟೇಲ್, ಮಹ್ಮದ್ ರಫಿ, ಮುಷ್ತಾಕ್ ಅಹಮದ್, ಚಿತ್ರದುರ್ಗ ನಗರಾಭಿವೃದ್ದಿ ಪ್ರಾಧಿಕಾರದ ಅಧ್ಯಕ್ಷ ಎಂ.ಕೆ.ತಾಜ್‍ಪೀರ್, ನಗರಸಭೆ ಮಾಜಿ ಅಧ್ಯಕ್ಷ ಮಹಮದ್ ಅಹಮದ್ ಪಾಷ, ಸೈಯದ್, ಜಮೀಲ್ ಅಹಮದ್, ಮುನ್ನ, ಸೈಯದ್ ಇಸ್ಮಾಯಿಲ್ ಈ ಸಂದರ್ಭದಲ್ಲಿ ಹಾಜರಿದ್ದರು.