Connect with us

Hi, what are you looking for?

ಆರೋಗ್ಯ

ಗರಿಕೆ ರಸದಿಂದ ಋತುಸ್ರಾವದ ಸಮಸ್ಯೆ ದೂರಾಗುತ್ತೆ

ಗರಿಕೆಯಲ್ಲಿ ಒಂಬತ್ತು ಪ್ರಭೇದಗಳಿವೆ ಎಂದು ಹಳೆಯ ಆಯುರ್ವೇದ ಗ್ರಂಥಗಳಲ್ಲಿ ಉಲ್ಲೇಖವಿದೆ. ಗರಿಕೆಯ ಉಪಯೋಗಗಳು ಅಷ್ಟಿಷ್ಟಲ್ಲ, ಬೆಟ್ಟದಷ್ಟು. ಇದನ್ನ ಅರಿತ ಮಹನೀಯರು, ಮನುಜ ಕುಲಕ್ಕೆ ಒಳಿತಾಗಲೆಂದು ಗರಿಕೆಯ ಉಪಯೋಗಗಳನ್ನು ತಿಳಿಸಿಕೊಟ್ಟರು. ಗರಿಕೆಯಲ್ಲಿನ ಆನೆಬಲದ ಶಕ್ತಿ ಸಾಮರ್ಥ್ಯಗಳನ್ನು ನೋಡಿಯೇ, ಪೂರ್ವಕಾಲದಲ್ಲಿ ಋಷಿಮುನಿಗಳು ಇದಕ್ಕೆ “ಸಹಸ್ರವೀರ್ಯಾ” “ಶತವೀರ್ಯ” ಎಂಬ ಹೆಸರುಗಳನ್ನು ಕೊಟ್ಟರು.

ಹೋಮ, ಯಜ್ಞ ಯಾಗಾದಿಗಳಲ್ಲಿ ಸಮಿತ್ತು ದರ್ಭೆ ಎಷ್ಟು ಪ್ರಾಮುಖ್ಯತೆಯನ್ನು ಪಡೆದಿದಿಯೋ, ಗರಿಕೆ ಅಷ್ಟೇ ಪ್ರಾಮುಖ್ಯತೆ ಪಡೆದಿದೆ. ಹೋಮ ಯಜ್ಞ ಯಾಗಾದಿಗಳಲ್ಲಿ ಪೂಜೆ ಪ್ರಾರಂಭಿಸುವ ಮುನ್ನ, ಅರಸಿಣದಿಂದ ಮಾಡಿದ “ಪಿಳ್ಳೇರಾಯ ಗಣಪತಿ” ಯನ್ನು ಪೂಜಿಸಿ, ಗರಿಕೆಯನ್ನು ಅರ್ಪಿಸಿ ಪೂಜೆ ಕಾರ್ಯಗಳನ್ನು ಪ್ರಾಂಭಿಸುವುದು ವಾಡಿಕೆ.

ಗರಿಕೆಯ ದಗ್ಧವಾಗಿ ಬರುವ ಹೋಮ ಧೂಮವು, ಕಣ್ಣಿನ ಕಾಂತಿಯನ್ನು ವೃದ್ಧಿಸುತ್ತದೆ. ಶಾರೀರಿಕ ಹಾಗು ಆತ್ಮಶಕ್ತಿಯನ್ನು ಸಹ ವೃದ್ಧಿಸುತ್ತೆ.

ಗರಿಕೆಯಲ್ಲಿ ಔಷಧೀಯ ಭಂಡಾರವೇ ತುಂಬಿದೆ. 48ದಿನಗಳಕಾಲ, ಬೆಳಿಗ್ಗೆ ಸಂಜೆ 50ml ನಂತೆ ಗರಿಕೆ ಚಿಗರಿನ ರಸ ಸೇವಿಸುತ್ತಾ ಬಂದರೆ, ಅನೇಕ ವ್ಯಾಧಿಗಳು ಗುಣವಾಗುತ್ತೆ. ದೇಹದಲ್ಲಿ ನರದೌರ್ಬಲ್ಯ ದೂರವಾಗಿ ಮಾಂಸಖಂಡಗಳಿಗೆ ಅಗಾಧ ಶಕ್ತಿ ಬರುತ್ತೆ.

ಒಂದು ಹಿಡಿ ತಾಜಾ ಗರಿಕೆ ಬೇರನ್ನು ತಂದು, ಶುದ್ಧಗೊಳಿಸಿ, ಮಡಿಕೆಯಲ್ಲಿ ಹಾಕಿ, ಅದಕ್ಕೆ 2 ಲೋಟ ನೀರು, ಚಿಟಿಕೆ ಕಾಳುಮೆಣಸು ಚೂರ್ಣ, ಚಿಟಿಕೆ ಜೀರಿಗೆ ಚೂರ್ಣ, ಚಿಟಿಕೆ ಕಲ್ಲುಪ್ಪು ಹಾಕಿ, ಒಲೆಯಮೇಲಿಟ್ಟು, ಮಂದದುರಿಯಲ್ಲಿ ಚೆನ್ನಾಗಿ ಕುದಿಸಿ, ಒಂದು ಲೋಟ ನೀರಾದಾಗ ಕೆಳಗಿಳಿಸಿ, ಸೋಸಿಕೊಂಡು, ಬೆಳಿಗ್ಗೆ ಸಂಜೆ 50ml ನಂತೆ ಹಿರಿಯರು, 10ml ನಂತೆ ಮಕ್ಕಳು ಸೇವಿಸಿದರೆ, ನೆಗಡಿ, ಜ್ವರ, ಕೆಮ್ಮು, ಕಫ, ಶೀತಜ್ವರ ನಿವಾರಣೆಯಾಗುತ್ತೆ.

ದಿನವು ಬೆಳಿಗ್ಗೆ ಸಂಜೆ ಊಟಕ್ಕೆ ಮೊದಲು, ತಾಜಾ ಗರಿಕೆ ಹುಲ್ಲಿನ ರಸ 50ml ನಂತೆ ಕುಡಿಯುತ್ತಾ ಬಂದರೆ, ಅಧಿಕ ರಕ್ತದೊತ್ತಡ, ಮಧುಮೇಹ ಹತೋಟಿಗೆ ಬರುತ್ತೆ. ಮೂತ್ರನಾಳ,ಮೂತ್ರಕೋಶಕ್ಕೆ ಸಂಬಂಧಿಸಿದ ಸೊಂಕು, ಇತರೆ ಸಮಸ್ಯೆಗಳು ವಾಸಿಯಾಗುತ್ತೆ. ಬಾಯಿಹುಣ್ಣು, ಬಾಯಿದುರ್ವಾಸನೆ ನಿವಾರಣೆಯಾಗುತ್ತೆ.

ಎರಡು ಹಿಡಿಯಷ್ಟು ತಾಜಾ ಗರಿಕೆ ಬೇರನ್ನು ತಂದು ಶುದ್ಧಗೊಳಿಸಿ, ಒಂದು ಮಡಿಕೆಗೆ ಹಾಕಿ, ಅದಕ್ಕೆ ಎರಡು ಲೋಟ ನೀರು ಹಾಕಿ, ಚೆನ್ನಾಗಿ ಮಂದದುರಿಯಲ್ಲಿ ಕುದಿಸಿ, ಒಂದು ಲೋಟ ನೀರಾದಾಗ ಕೆಳಗಿಳಿಸಿ ಸೋಸಿಕೊಂಡು, ಅದಕ್ಕೆ 1 ಚಮಚ ಅತಿಮಧುರ ಚೂರ್ಣ, 1 ಚಮಚ ಶುದ್ಧಿಮಾಡಿದ ಅಶ್ವಗಂಧ ಚೂರ್ಣ, 1 ಚಮಚ ಕೆಂಪು ಕಲ್ಲುಸಕ್ಕರೆ ಬೆರಸಿ, ಬೆಳಿಗ್ಗೆ ಸಂಜೆ ಊಟಕ್ಕೆ ಮೊದಲು ಸೇವಿಸುತ್ತಾ ಬಂದರೆ, ಪುರುಷರಲ್ಲಿ ನಪುಂಷಕತ್ವ ದೂರವಾಗಿ ವೀರ್ಯಾಣು ವೃದ್ಧಿಯಾಗುತ್ತೆ. ಮಾಂಸಖಂಡಗಳಿಗೆ ಅಗಾಧವಾದ ಶಕ್ತಿ ಬರುತ್ತೆ. ದೇಹದಲ್ಲಿ ನರದೌರ್ಬಲ್ಯ ದೂರವಾಗುತ್ತೆ.

ಮೂಗಿನಲ್ಲಿ ರಕ್ತಸ್ರಾವವಾಗುವ ಸಮಯದಲ್ಲಿ, ಗರಿಕೆ ಚಿಗುರಿನ ರಸವನ್ನು 2-3 ಹನಿ ಹಾಕಿದರೆ ತಕ್ಷಣ ನಿಲ್ಲುತ್ತೆ. ಹೊಟ್ಟೆಗೆ 20ml ನಂತೆ ಸೇವಿಸಬೇಕು.

ಗರಿಕೆ ಬೇರಿನ ಕಷಾಯವನ್ನು ಆಯುರ್ವೇದ ವೈದ್ಯರ ಸಲಹೆಯಂತೆ ಕುಡಿಸಿದರೆ, ನಿಶಕ್ತಿಯಿಂದ ಬಳಲುತ್ತಿರುವ ಮಕ್ಕಳಿಗೆ ಹಾಗು ಬೆಳವಣಿಗೆ ಕಾಣದ ಮಕ್ಕಳಿಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತೆ.

ಗರಿಕೆ ಚಿಗುರಿನ ರಸವನ್ನು ನಿಯಮಿತವಾಗಿ ಸೇವಿಸುವುದರಿಂದ ದೇಹದಲ್ಲಿ ಉಷ್ಣತೆ ತಗ್ಗಿ ಮೂತ್ರದಲ್ಲಿನ ಉರಿ ನಿವಾರಣೆಯಾಗುತ್ತೆ. ವಾತನೊವು, ಕೀಲುನೋವು ವಾಸಿಯಾಗುತ್ತೆ.

ದಿನವು ಗರಿಕೆ ರಸಕ್ಕೆ ಚಿಟಿಕೆ ಕಾಳುಮೆಣಸಿನ ಪುಡಿಯನ್ನು ಕಲಸಿ ಕುಡಿಯುತ್ತಾ ಬಂದರೆ, ಮೂತ್ರಪಿಂಡದಲ್ಲಿನ ಕಲ್ಲು ಕರಗುತ್ತೆ.

ಸ್ತ್ರೀಯರು 40-50ml ನಂತೆ ಸೇವಿಸಿದರೆ, ಋತಸ್ರಾವ ಸಮಸ್ಯೆಗಳು ನಿವಾರಣೆಯಾಗುತ್ತೆ.

ಗರಿಕೆ ರಸ ಸೇವಿಸುವುದರಿಂದ ಮೂತ್ರಬಂಧ ಸಮಸ್ಯೆ ವಾಸಿಯಾಗಿ, ಮೂತ್ರ ಸರಾಗವಾಗುತ್ತೆ.
-ಪಾರ್ಥಸಾರಥಿ ಕ್ಷತ್ರಿಯ

Click to comment

Leave a Reply

Your email address will not be published. Required fields are marked *

You May Also Like

ಆರೋಗ್ಯ

ಚರ್ಮದ ಹೊಳಪಿಗಾಗಿ ಏನೆಲ್ಲಾ ಸಾಗಸ ಮಾಡ್ತೇವೆ. ಅದು ಹಚ್ಚು ಇದು ಹಚ್ಚು ಅಂತ ಹೇಳಿದ್ದೆಲ್ಲವನ್ನು ಪ್ರಯತ್ನಿಸುತ್ತೇವೆ. ಎಷ್ಟೋ ಬಾರಿ ಅದೆಲ್ಲವನ್ನು ಪ್ರಯತ್ನಿಸಿ ಸೋತಿರುತ್ತೇವೆ. ಒಮ್ಮೊಮ್ಮೆ ಸ್ಕಿನ್ ಹಾಳು ಕೂಡ ಮಾಡ್ಕೊಂಡಿರ್ತೇವೆ. ಆದ್ರೆ ಈ...

ಆರೋಗ್ಯ

ಅಣಬೆ ಎಲ್ಲರಿಗೂ ಪ್ರಿಯವಾದ ಆಹಾರ..ಅದರಲ್ಲೂ ನಾನ್ ವೆಜ್ ಪ್ರಿಯರಿಗೆ ಕೇಳುವ ಹಾಗೆ ಇಲ್ಲ. ಅಣಬೆಯಲ್ಲಿ ವೆರೈಟಿ ವೆರೈಟಿ ಟೇಸ್ಟಿ ಫುಡ್ ಗಳನ್ನು ಮಾಡಬಹುದು. ಇಂಥ ಟೇಸ್ಟಿ ಅಣಬೆಯಲ್ಲಿ ಸಿಕ್ಕಾಪಟ್ಟೆ ಪೌಷ್ಟಿಕಾಂಶ ಅಡಗಿದೆ. ದೇಹಕ್ಕೆ...

ಆರೋಗ್ಯ

ಈ ಫುಡ್ ಪಾಯಿಸನ್ ಅನ್ನೋದು ಕೆಲವರಿಗೆ ಕಾಡುವ ದೊಡ್ಡ ಸಮಸ್ಯೆಯಾಗಿ ಕಾಡುತ್ತೆ. ಮನೆಯ ಆಹಾರ ಬಿಟ್ಟು ಬೇರೆ ಆಹಾರ ತಿಂದ್ರೆ ಅಲ್ಲಿ ಸಮಸ್ಯೆ ಕಾಡೋದಕ್ಕೆ ಶುರು ಮಾಡುತ್ತೆ. ಹೊರಗಡೆಯ ಆಹಾರ ರುಚಿ ಅಂತ...

ಆರೋಗ್ಯ

ಮನುಷ್ಯನ ದೇಹಕ್ಕೆ ಪ್ರೋಟೀನ್ ತುಂಬಾ ಮುಖ್ಯ. ಪ್ರೋಟೀನ್ ಚೆನ್ನಾಗಿದ್ರೆ ಮನುಷ್ಯ ಆರೋಗ್ಯವೂ ಚೆನ್ನಾಗಿಯೇ ಇರುತ್ತೆ. ಪ್ರೋಟೀನ್ ಗಾಗಿ ನಾನ ಕಸರತ್ತನ್ನ ಮಾಡ್ತೇವೆ. ಆದ್ರೆ ಅಡುಗೆ ಮ‌ನೆಯಲ್ಲಿ ಸಿಗುವ ಆ ಒಂದು ಬೀಜದಿಂದ ಪ್ರೋಟೀನ್...

ಆರೋಗ್ಯ

ಒಂದೆಲಗ ಎಲೆಯನ್ನ ಕೇಳಿಯೇ ಇರ್ತೀರಾ ಗದ್ದೆ, ತೋಟಗಳಲ್ಲೆಲ್ಲಾ ಈ ಒಂದೆಲಗ ಸೊಪ್ಪು ಬೆಳೆದಿರುತ್ತೆ. ಹಾಗೇ ಕಂಡ ಕಂಡಲ್ಲೆಲ್ಲಾ ಬೆಳೆಯೋ ಈ ಗಿಡದಲ್ಲೂ ಸಾಕಷ್ಟು ಪೋಷ್ಠಿಕಾಂಶ ಅಡಗಿದೆ. ಹಲವಾರು ಕಾಯಿಲೆಗೆ ಇದು ರಾಮಬಾಣವಿದ್ದಂತೆ. ಇದರಲ್ಲಿ...

ಆರೋಗ್ಯ

ಕುರಚಲು ಕಾಡುಗಳು, ಬೆಟ್ಟಗುಡ್ಡಗಳ ಪ್ರದೇಶ, ಪಾಳುಭೂಮಿಯಲ್ಲಿ ನೈಸರ್ಗಿಕವಾಗಿ 6-9 ಅಡಿ ಎತ್ತರ ಪೊದೆಯಂತೆ ಬೆಳೆಯುತ್ತೆ. ಆಂಧ್ರ, ತಮಿಳುನಾಡು ಹಾಗು ಕರ್ನಾಟಕದ ಕೆಲವು ಪ್ರಾಂತ್ಯಗಳಲ್ಲಿ, ರೈತರು ಕಾಡು ಹಾಗು ನಾಡು ಪ್ರಾಣಿಗಳಿಂದ ಬೆಳೆಗಳನ್ನು ರಕ್ಷಿಸಿಕೊಳ್ಳಲು...

ಆರೋಗ್ಯ

ಹೊಂಗೆ ಮರ ಎಂದಾಕ್ಷಣಾ ಅದರಿಂದ ಹೊರ ಸೂಸುವ ತಣ್ಣನೆಯ ಗಾಳಿ ನೆನಪಾಗುತ್ತದೆ. ಹಳ್ಳಿಗಳಲ್ಲಿ ಬಿರು ಬೇಸಿಗೆ ಶುರುವಾದ್ರೆ ಹೊಂಗೆ ಮರದ ನೆರಳಲ್ಲಿ ಕೂತು ಆ ಬೇಸಿಗೆಯನ್ನೇ ಮರೆಯುವಷ್ಟು ತಣ್ಣನೆಯ ಗಾಳಿಯನ್ನ ಸೇವಿಸುತ್ತಾರೆ. ಹೊಂಗೆ...

ಆರೋಗ್ಯ

ಈಗ ಬೇಸಿಗೆ ಕಾಲ. ಮನಸ್ಸು ಕಲ್ಲಂಗಡಿ ಕಡೆ ಎಳೆಯುತ್ತಿರುತ್ತೆ. ಬಿಸಿಲ ತಾಪ ದೇಹಕ್ಕೆ ತಂಪು ಬೇಕೆನಿಸುತ್ತದೆ. ಹೀಗಾಗಿ ಕಲ್ಲಂಗಡಿ ಹಣ್ಣನ್ನೆ ಹೆಚ್ಚು ಉಪಯೋಗಿಸುತ್ತೇವೆ. ಹಣ್ಣನ್ನ ಹಾಗೇ ತಿಂತೇವೆ. ಕೆಲವೊಮ್ಮೆ ಜ್ಯೂಸ್ ಮಾಡಿಕೊಂಡು ಕೂಡ...

ಆರೋಗ್ಯ

ಅರಿಶಿನ ಎಂದಾಕ್ಷಣ ನಮಗೆ ನೆನಪಾಗೋದು ಮುಖದ ಅಂದ ಹೆಚ್ಚಿಸೋಕೆ, ಅಡುಗೆ ಮಾಡೋಕೆ. ಆದ್ರೆ ಅದನ್ನ ಮೀರಿದ ಮತ್ತಷ್ಟು ಅಂಶಗಳು ಈ ಅರಿಶಿನದಲ್ಲಿ ಅಡಗಿದೆ. ಮಧುಮೇಹ ಇದ್ದವರು ಅರಿಶಿನ ಮಿಶ್ರಿತ ನೀರು ಕುಡಿಯುವುದರಿಂದ ಮಧುಮೇಹದಿಂದ...

error: Content is protected !!