ಮೈಸೂರು: ಮಾದೇಗೌಡ ಅವರಿಗೆ ಎಕ್ಕಡದಲ್ಲಿ ಹೊಡೆದಿದ್ದೆ ಎಂಬ ಮಾಜಿ ಸಂಸದ ಎಲ್ ಆರ್ ಶಿವರಾಮೇಗೌಡ ಅವರ ಮಾತಿಗೆ ದಿವಂಗತ ಮಾದೇಗೌಡ ಅವರ ಮಗ ಮಧು ಮಾದೇಗೌಡ ಕಿಡಿಕಾರಿದ್ದಾರೆ.
ಮಂಡ್ಯ ಭಾಗದಲ್ಲಿ ಶಿವರಾಮೇಗೌಡ ಅವರನ್ನ 420 ಶಿವರಾಮೇಗೌಡ ಎಂದೇ ಕರೆಯುತ್ತಾರೆ. ಶಿವರಾಮೇಗೌಡ ಸರ್ಕಸ್ ನಲ್ಲಿ ಒಂಥರ ಜೋಕರ್ ಇದ್ದ ಹಾಗೆ. ಅವನಿಗೆ ಬುದ್ದಿ ಕಲಿಸೋದು ಹೇಗೆ ಅನ್ನೋದು ನನಿಗೆ ಗೊತ್ತಿದೆ. ಯಾವ ರೀತಿ ಬುದ್ಧಿ ಹೇಳಬೇಕೋ ಆ ರೀತಿಯೇ ಬುದ್ಧಿ ಹೇಳುತ್ತೇವೆ.
60 ಕೋಟಿ ಖರ್ಚು ಮಾಡಿದರೂ ಚುನಾವಣೆಯಲ್ಲಿ ಅವರು ಗೆಲ್ಲಲ್ಲ. ಎದುರುಗಡೆ ನಿಂತು ಮಾತಾಡುವ ಶಲ್ತಿಯೂ ಆತನಿಗೆ ಇರಲಿಲ್ಲ. ನಮ್ಮ ತಂದೆ ಕಾಲಿಗೆ ಬಂದು‌ಬಿದ್ದಿರುವುದನ್ನು ನೋಡಿದ್ದೇನೆ. 420 ಕೆಲಸ ಮಾಡುವ ಕಾರಣಕ್ಕೆ ಜನ ಹೊಡೆಯುತ್ತಾರೆ ಎಂಬ ಭಯ ಇದೆ. ಅದಕ್ಕೆ ಎಸ್ಕರ್ಟ್ ಹಾಕಿಕೊಂಡು ಓಡಾಡುತ್ತಾನೆ ಎಂದಿದ್ದಾರೆ.
ಶಿವರಾಮೇಗೌಡ ಅವರ ಆಡಿಯೋವೊಂದು ವೈರಲ್ ಆಗಿತ್ತು. ಅವರಿಗಿರುವ ಸ್ಕೂಲ್, ಎಲೆಕ್ಷನ್ ಖರ್ಚು ಮಾಡುವ ಹಣದ ಬಗ್ಗೆ ಎಲ್ಲಾ ಮಹಿಳೆಯೊಬ್ಬರ ಜೊತೆಗೆ ಮಾತನಾಡಿದ್ದು, ಅದೇ ಆಡಿಯೋದಲ್ಲಿ ಮಾದೇಗೌಡ ಅವರಿಗೆ ಚಪ್ಪಲಿಯಲ್ಲಿ ಹೊಡೆಯುತ್ತೇನೆ ಎಂದು ಹೇಳಿದ್ದರು. ಆ ವಿಚಾರಕ್ಕೆ ಮಧು ಮಾದೇಗೌಡ ಪ್ರತಿಕ್ರಿಯೆ ನೀಡಿದ್ದಾರೆ.
