ಮಗನಿಗೆ, ಅವರಿಗೆ ಟಿಕೆಟ್ ಸಿಕ್ಕಿಲ್ಲಂದ್ರೆ ಪಕ್ಷೇತರವಾಗಿಯೇ ನಿಲ್ತಾರಂತೆ ಜಿಟಿಡಿ..!

ಜಿಟಿ ದೇವೇಗೌಡ ಅವರು ಜೆಡಿಎಸ್ ತೊರೆದು ಕಾಂಗ್ರೆಸ್ ಸೇರುವ ಹುಮ್ಮಸ್ಸಲ್ಲಿದ್ದಾರೆ. ಆದ್ರೆ ಈ ನಡುವೆ ಕಂಡೀಷನ್ ಅಪ್ಲೈ ಎನ್ನುವಂತೆ ಹೇಳಿದ್ದಾರೆ. ಮಗನಿಗೆ ಹಾಗೂ ನನಗೆ ಕಾಂಗ್ರೆಸ್ ನಲ್ಲಿ ಟಿಕೆಟ್ ಸಿಕ್ಕರೆ ಆ ಪಕ್ಷದಿಂದ ಸ್ಪರ್ಧಿಸುತ್ತೇವೆ. ಇಲ್ಲವಾದರೇ ಪಕ್ಷೇತರವಾಗಿಯೇ ಸ್ಪರ್ಧೆ ನಡೆಸುವುದಾಗಿ ಹೇಳಿದ್ದಾರೆ.

ಟಿಕೆಟ್ ಸಿಗದೆ ಇದ್ದಲ್ಲಿ ಪಕ್ಷೇತರವಾಗಿ ನಿಂತು ಸಾಮರ್ಥ್ಯ ತೋರಿಸುತ್ತೇವೆ. ನನಗೆ ನನ್ನ ಮಗ ಹರೀಶ್ ಗೆ ಟಿಕೆಟ್ ನೀಡಿದ್ರೆ ಮಾತ್ರ ಕಾಂಗ್ರೆಸ್ ಸೇರುತ್ತೇನೆ. ಯಾವ ಪಕ್ಷ ನಮಗೆ ಟಿಕೆಟ್ ನೀಡುತ್ತೋ ಅವರ ಪರ ಕೆಲಸ ಮಾಡುತ್ತೇನೆ. ಪರಿಷತ್ ಚುನಾವಣೆಗೆ ಜೆಡಿಎಸ್ ಪರ ಕೆಲಸ ಮಾಡುವ ಬಗ್ಗೆ ಇನ್ನೂ ನಿರ್ಧರಿಸಿಲ್ಲ. ನಾನು ಜೆಡಿಎಸ್ ಪಕ್ಷವನ್ನ ಗಟ್ಟಿಯಾಗಿಸಿದ್ದೇನೆ ವಿನಃ ತಿಂದುಂಡು ಮಾಡುವ ಕೆಲಸ ಮಾಡಿಲ್ಲ ಎಂದಿದ್ದಾರೆ.