ಬೆಂಗಳೂರು: ನಿನ್ನೆಯಿಂದ ಎಲ್ಲರ ಮನಸ್ಸಲ್ಲೂ ಒಂಥರ ನೋವು, ತಳಮಳ. ಆ ಮಗು ಯಾರಿಗೂ ಸಂಬಂಧವೇ ಇಲ್ಲದಿದ್ದರು ಆ ಪುಟ್ಟ ಮಗುವಿನ ಸಾವು ಎಲ್ಲರನ್ನು ಕಂಗೆಡಿಸಿದೆ. ನನ್ನಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದಲ್ಲಿ ತನ್ನ ಟ್ಯಾಲೆಂಟ್ ನಿಂದಾನೇ ಎಲ್ಲರ ಮನಸ್ಸು ಕದ್ದಿದ್ದ ಮಗು ಸಮನ್ವಿ.
6 ವರ್ಷದ ಸಮನ್ವಿ ನಿನ್ನೆ ಅಪಘಾತದಲ್ಲಿ ಮೃತಪಟ್ಟಿದ್ದಾಳೆ. ಅಮ್ಮನ ಜೊತೆ ಬೈಕ್ ನಲ್ಲಿ ಹೋಗುತ್ತಿದ್ದಾಗ ಟಿಪ್ಪರ್ ಡಿಕ್ಕಿ ಹೊಡೆದ ಪರಿಣಾಮ ಮಗು ಸಾವನ್ನಪ್ಪಿದ್ದಾಳೆ. ನಟಿ ಅಮೃತಾಗೆ ಸಣ್ಣ ಪುಟ್ಟ ಗಾಯವಾಗಿದೆ.
ಟಿಪ್ಪರ್ ಚಾಲಕನನ್ನ ಕುಮಾರಸ್ವಾಮಿ ಪೊಲೀಸರು ಬಂಧಿಸಿ, ವಿಚಾರಣೆ ನಡೆಸಿದ್ದಾರೆ. ಈ ವೇಳೆ ಚಾಲಕ ಏನಾಯ್ತು ಎಂದು ಬಾಯ್ಬಿಟ್ಟಿದ್ದಾನೆ. ಆಟೋ ಓವರ್ ಟೇಕ್ ಮಾಡಲು ಹೋಗಿ ಬೈಕ್ ಗೆ ಡಿಕ್ಕಿ ಹೊಡೆದಿರುವುದಾಗಿ ತಿಳಿಸಿದ್ದಾನೆ.
ಸಮನ್ವಿ ಪ್ರತಿಭಾವಂತ ಮಗು. ಆದ್ರೆ ಚಾಲಕನ ಅಜಾರುಕತೆಯಿಂದ ಆ ಪುಟ್ಟ ಮಗುವಿನ ಪ್ರಾಣವೇ ಹೋಗಿದೆ. ಮೊದಲೇ ಒಂದು ಮಗುವನ್ನ ಕಳೆದುಕೊಂಡಿದ್ದ ಅಮೃತಾ ಸಮನ್ವಿ ಮೇಲೆ ಬೆಟ್ಟದ್ದಷ್ಟು ಆಸೆ ಇಟ್ಟುಕೊಂಡಿದ್ದರು. ಈಗ ಎರಡನೇಯ ಮಗುವು ಹೀಗಾಗಿದೆ. ದುಃಖ ಭರಿಸುವ ಶಕ್ತಿಯನ್ನ ದೇವರು ನೀಡಲಿ ಎಂಬುದೇ ಎಲ್ಲರ ಹಾರೈಕೆಯಾಗಿದೆ.
Newbie Techy