ಲಾಕ್ ಡೌನ್ ಕೊರೋನಾ ಆರ್ಭಟದ ನಂತರ ಈಗ ಗಾಂಧಿನಗರದಲ್ಲಿ ಸಿನಿಮಾ ಸುನಾಮಿ ಶುರುವಾಗಿದೆ. ಅಂದ ಹಾಗೆ ಸದ್ಯ ಥಿಯೇಟರ್ ನಲ್ಲಿ 100% ಪ್ರೇಕ್ಷಕರಿಗೆ ಅವಕಾಶ ನೀಡಿರೋ ಬೆನ್ನಲ್ಲೆ ಸಲಗ ಸೌಂಡ್ ಮಾಡೋಕೆ ರೆಡಿಯಾಗಿದೆ. ದುನಿಯಾ ವಿಜಯ್ ನಾಯಕನಾಗಿ ನಟಿಸಿ, ನಿರ್ದೇಶನ ಮಾಡಿರೋ ಸಲಗದ ಸಂಭ್ರಮ ಈಗಾಗಲೇ ಹಲವು ಥಿಯೇಟರ್ ಗಳ ಮುಂದೆ ಶುರುವಾಗಿದೆ.
ಬೆಂಗಳೂರಿನ ಸಂತೋಷ್, ನವರಂಗ್, ಕೆ ಆರ್ ಪುರಂನ ವಿಜಯಲಕ್ಷ್ಮಿ ಥಿಯೇಟರ್, ಯಾದಗಿರಿಯ ಥಿಯೇಟರ್ ಸೇರಿದಂತೆ ಹಲವು ಥಿಯೇಟರ್ ಗಳ ಮುಂದೆ ಈಗಾಗಲೇ ಸಲಗ ಕಟೌಟ್ ನಿಲ್ಲಿಸಿ ಸಂಭ್ರಮಿಸ್ತಿದ್ದಾರೆ ಅಭಿಮಾನಿಗಳು. ರಿಲೀಸ್ ಗೂ ಮುಂಚೆಯೆ ಟ್ಯಾಟೋ ಹಾಕಿಸಿಕ್ಕೊಳ್ಳೋದು ಪಟಾಕಿ ಸಿಡಿಸೋದು, ಕಟೌಟ್ ಗೆ ಹಾರ ಹಾಕೋ ಮೂಲಕ ಅಭಿಮಾನಿಗಳು ಸಂಭ್ರಮಿಸ್ತಿರೋ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡ್ತಿವೆ.
ದುನಿಯಾ ವಿಜಯ್ ಅಭಿನಯದ ಸಲಗ ಸಿನಿಮಾ ದೊಡ್ಡ ಪ್ರೀ ರಿಲೀಸ್ ಇವೆಂಟ್ ಗೆ ಚಿತ್ರತಂಡ ಭರ್ಜರಿ ಪ್ಲಾನ್ ಮಾಡಿದ್ದು, ಮಾಜಿ ಸಿಎಂ ಸಿದ್ದರಾಮಯ್ಯ ಅವರನ್ನ ಅತಿಥಿಯಾಗಿ ಆಹ್ವಾನಿಸಿದೆ. ಸದ್ಯ ಹಲವು ತಿಂಗಳುಗಳಿಂದ ತಣ್ಣಗಾಗಿದ್ದ ಗಾಂಧಿನಗರ ಥಿಯೇಟರ್ ಅಂಗಳದಲ್ಲಿ ಸಲಗ ರಿಲೀಸ್ ದಿನ ಪ್ರೇಕ್ಷಕರ ಕಲರವ ಕಾಣಲಿದೆ. ಲಾಕ್ ಡೌನ್ ನಂತರ ಮೊದಲು ರಿಲೀಸ್ ಆಗ್ತಿರೋ ಸ್ಟಾರ್ ನಟನ ಸಿನಿಮಾ ಇದಾಗಿದ್ದು, ಸಲಗ ಸುನಾಮಿ ರೀತಿಯಲ್ಲಿ ಥಿಯೇಟರ್ ಗೆ ಎಂಟ್ರಿ ಕೊಡೋಕೆ ರೆಡಿಯಾಗಿದೆ. ದುನಿಯಾ ವಿಜಯ್ ಜೊತೆ ಡಾಲಿ ಧನಂಜಯ್ ಕೂಡ ಪೊಲೀಸ್ ಆಫೀಸರ್ ಗೆಟಪ್ನಲ್ಲಿ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ದಸರಾ ಹಬ್ಬದ ಗಿಫ್ಟ್ ಆಗಿ ಬೆಳ್ಳಿಪರದೆ ಮೇಲೆ ಸಲಗ ಅದ್ಯಾವ ರೀತಿ ದರ್ಬಾರ್ ಮಾಡುತ್ತೆ ಅನ್ನೋದನ್ನ ಕಾದು ನೋಬೇಕಿದೆ.
