ಬೆಂಗಳೂರು: ಸೋಷಿಯಲ್ ಮೀಡಿಯಾದಲ್ಲೆಲ್ಲಾ ನಿನ್ನೆಯಿಂದ ರ್ಯಾಪರ್, ನಟ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಪೇರೆಂಟ್ಸ್ ಆಗುತ್ತಿದ್ದಾರೆ ಎಂಬುದೇ ದೊಡ್ಡ ಸುದ್ದಿಯಾಗಿತ್ತು. ಎಲ್ಲರೂ ತಮ್ಮ‌ಮನೆಯ ಸಂಭ್ರಮವೇನೋ ಎಂಬಂತೆ ಖುಷಿ ಪಟ್ಟರು, ವಿಶ್ ಮಾಡಿದರು. ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ದಂಪತಿಗೆ ಶುಭವಾಗಲಿ ಎಂದು ಹರಸಿದರು. ಆದರೆ ಇದು ಸತ್ಯವೋ.. ಸುಳ್ಳೋ ಎಂಬುದನ್ನು ಇಂದು ಚಂದನ್ ಶೆಟ್ಟಿ ಅವರೇ ಪ್ರೂವ್ ಮಾಡಿದ್ದಾರೆ.
ನಿನ್ನೆ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ವಿಡಿಯೋವೊಂದನ್ನು ಮಾಡಿದ್ದರು. ಅದರಲ್ಲಿ Fat+Her=..? ಎಂಬಂತ ಕ್ಯಾಪ್ಶನ್ ಕೊಟ್ಟು ವಿಡಿಯೋ ಅಪ್ಲೋಡ್ ಮಾಡಿದ್ದರು. ಚಂದನ್ ಶೆಟ್ಟಿ ಕೇಳಿದ ಪ್ರಶ್ನೆಗೆ ನಿವೇದಿತಾ ಗೌಡ ಫನ್ನಿ ಫನ್ನಿಯಾಗಿಯೇ ಉತ್ತರ ನೀಡುತ್ತಿದ್ದರು. ಆದರೆ ಅಭಿಮಾನಿಗಳೆಲ್ಲಾ, Fat+Her= Father ಎಂದೇ ಉತ್ತರ ನೀಡಿದ್ದರು. ಅಭಿನಂದನೆಗಳನ್ನು ಹೇಳಿದ್ದರು.
ಚಂದನ್ ಶೆಟ್ಟಿಗೆ ಅಭಿಮಾನಿಗಳು ಮಾತ್ರವಲ್ಲ ಆಪ್ತರು ಕೂಡ ಫೋನ್ ಮಾಡುವ ಮೂಲಕ, ಸಂದೇಶಗಳನ್ನು ಕಳುಹಿಸುವ ಮೂಲಕ ವಿಶ್ ಮಾಡಿದ್ದಾರೆ. ಇದು ಸೀರಿಯಸ್ ಆಗುವ ಮುನ್ನ ಚಂದನ್ ಶೆಟ್ಟಿ ಉತ್ತರ ನೀಡಿದ್ದಾರೆ. “ನಾನು ತಂದೆಯಾಗುತ್ತಿಲ್ಲ. ಅದು ರೀಲ್ಸ್ ಅಷ್ಟೇ. ನಾವೂ ಇನ್ನೂ ಮಗುವಿಗೆ ಸಿದ್ಧರಿಲ್ಲ. ಮಗುವಿನ ನಿರೀಕ್ಷೆಯಲ್ಲಿದ್ದಾಗ ಖಂಡಿತವಾಗಿಯೂ ಘೋಷಿಸುತ್ತೇವೆ” ಎಂದಿದ್ದಾರೆ. ಈ ರೀತಿ ದಂಪತಿಗೆ ವಿಶ್ ಮಾಡುತ್ತಿರುವುದು ಎರಡನೇ ಬಾರಿಯಾಗಿದೆ.
