ಮೇಕೆದಾಟು ಯೋಜನೆಗೆ ಸ್ಯಾಂಡಲ್ ವುಡ್ ಸಪೋರ್ಟ್ ಕೇಳಿದ ಡಿಕೆಶಿ..!

ಬೆಂಗಳೂರು: ಮೇಕೆದಾಟು ಯೋಜನೆಗಾಗಿ ಆಗ್ರಹಿಸಿ ಕಾಂಗ್ರೆಸ್ ನಾಯಕರು ಪಾದಯಾತ್ರೆ ಮಾಡಲು ಸಜ್ಜಾಗಿದ್ದಾರೆ. ಇದೀಗ ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್, ಕನ್ನಡ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ಪತ್ರ ಬರೆದು ಮನವಿ ಮಾಡಿದ್ದಾರೆ.

ಸ್ಯಾಂಡಲ್ವುಡ್ ನಟರಾದ ಶಿವಣ್ಣ, ಯಶ್, ಸುದೀಪ್ ಮತ್ತು ದರ್ಶನ್ ಅವ್ರಿಗೆಲ್ಲಾ ಕೈ ಮುಗಿದು ಕೇಳಿಕೊಳ್ಳುತ್ತೇನೆ‌ ಇಷ್ಟು ದಿನ ನಾವೂ ಕನ್ನಡ ನಾಡು ನುಡಿಗಾಗಿ ಹೋರಾಟ ಅಂತ ಬಂದಾಗ ಮುಂದೆ ನಿಂತು ಬೆಂಬಲ ನೀಡುತ್ತೀರಾ. ಅದೇ ರೀತಿ ಈ ಹೋರಾಟಕ್ಕೂ ಬೆಂಬಲ ನೀಡಿ. ಯಾಕಂದ್ರೆ ಈ ಹೋರಾಟ ನೀರು ನಮ್ಮ ಹಕ್ಕು. ಈ ಹೋರಾಟದಲ್ಲಿ ಭಾಗಿಯಾಗಲೇಬೇಕು ಎಂದು ನಾನು ಬಲವಂತ ಮಾಡ್ತಾ ಇಲ್ಲ. ಆದ್ರೆ ಮನವಿ ಮಾಡ್ತೇನೆ.

ಈ ಹೋರಾಟ ಯಾವುದೇ ಪಕ್ಷದ ಪರವಾಗಲೀ, ವ್ಯಕ್ತಿಗಾಗಲೀ ಅಲ್ಲ. ನಮ್ಮ ಹಕ್ಕಿಗಾಗಿ ಮಾಡುತ್ತಿರುವ ಹೋರಾಟ. ಮೇಕೆದಾಟು ಯೋಜನೆ ನಮ್ಮ ಹಕ್ಕು ಎಂದಿದ್ದಾರೆ.