ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಕಬ್ಜ ಹಿಂದೆಯೇ ಬರುತ್ತಿದೆ ಧ್ರುವ ಸರ್ಜಾ ಮಾರ್ಟಿನ್..!

ಸದ್ಯ ಸ್ಯಾಂಡಲ್ ವುಡ್ ನಲ್ಲಿ ಸಾಲು ಸಾಲು ಸಕ್ಸಸ್ ಸಿಗುತ್ತಾ ಇದೆ. ಕೆಜಿಎಫ್ ಬಳಿಕ ಕಾಂತಾರ, ವೇದ ಹೀಗೆ ಯಶಸ್ಸಿನತ್ತ ನಡೆಯುತ್ತಿರುವ ಕನ್ನಡ ಚಿತ್ರರಂಗದಲ್ಲಿ ಇದೀಗ ಮತ್ತೊಂದು ಸೆನ್ಸೇಷನ್ ಕ್ರಿಯೇಟ್ ಮಾಡುವುದಕ್ಕೆ ಸಿದ್ಧವಾಗಿರುವುದು ಉಪೇಂದ್ರ ಅಭಿನಯದ, ಸುದೀಪ್ ಸ್ಪೆಷಲ್ ಪಾತ್ರ ಮಾಡಿರುವಂತೆ, ಆರ್ ಚಂದ್ರು ನಿರ್ದೇಶನದ ಕಬ್ಜ ಸಿನಿಮಾ. ಸದ್ಯ ಅಪ್ಪು ಅಭಿಮಾನಿಗಳಿಗೂ ವಿಶೇಷ ಉಡುಗೊರೆ ಎಂಬಂತೆ ಮಾರ್ಚ್ 17ರಂದು ಪುನೀತ್ ರಾಜ್‍ಕುಮಾರ್ ಹುಟ್ಟುಹಬ್ಬಕ್ಕೆ ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ.

ಆರ್ ಚಂದ್ರು ಕಬ್ಜ ಸಿನಿಮಾಗಾಗಿ ಎಲ್ಲಿಯೂ ಕಾಂಪ್ರೂಮೈಸ್ ಆಗಿಲ್ಲ. ಮೇಕಿಂಗ್ ನಲ್ಲಾಗಲೀ ಕ್ವಾಲಿಟಿಯಲ್ಲಾಗಲೀ ಹೆವಿ ರಿಚ್ ಆಗಿದೆ. ಹೀಗಾಗಿ ಬಹು ನಿರೀಕ್ಷಿತ ಸಿನಿಮಾವಾಗಿದೆ ಕಬ್ಜ. ಈಗಾಗಲೇ ಕಬ್ಜದ ಹಿಂದಿ, ತಮಿಳು, ತೆಲುಗು ಹಾಗೂ ಮಲಯಾಳಂ ರೈಟ್ಸ್ ದಾಖಲೆ ಮೊತ್ತಕ್ಕೆ ಸೇಲ್ ಆಗಿದೆ.

ಇನ್ನು ಧ್ರುವ ಸರ್ಜಾ ನಟನೆಯ ಮಾರ್ಟಿನ್ ಬಗ್ಗೆಯೂ ಸಾಕಷ್ಟು ನಿರೀಕ್ಷೆ ಇದೆ. ಮಾರ್ಟಿನ್ ಕೂಡ ಏಕಕಾಲಕ್ಕೆ ಐದು ಭಾಷೆಯಲ್ಲಿ ತೆರೆ ಕಾಣುತ್ತಿದೆ. ಈಗಾಗಲೇ ಶೂಟಿಂಗ್ ಕಂಪ್ಲೀಟ್ ಮಾಡಿರುವ ಮಾರ್ಟಿನ್ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ. ಜೊತೆಗೆ ಮಾರ್ಚ್ ನಲ್ಲಿಯೇ ತೆರೆಗೆ ಬರಲಿದೆ ಎನ್ನಲಿದ್ದಾರೆ. ಕಬ್ಜ ರಿಲೀಸ್ ಆದ ಎಷ್ಟು ದಿನದ ಅಂತರದಲ್ಲಿ ಬರಲಿದೆ ಎಂಬುದೇ ಚರ್ಚೆಯಾಗುತ್ತಿದೆ.