in

ಸಾವಿರ ಕನಸು ಕುಡಿತದಿಂದ ನುಚ್ಚುನೂರಾಯ್ತು..ಚಿಕ್ಕವಯಸ್ಸಿನಲ್ಲೇ ಪ್ರಾಣ ಕಳೆದುಕೊಂಡ ಸ್ನೇಹಿತರು..!

suddione whatsapp group join

ಬೆಂಗಳೂರು : ನಿಮಗೆಲ್ಲಾ ನೆನಪಿದೆ ನಿನ್ನೆ ಕೋರಮಂಗಲದ ಬಳಿ ನಡೆದ ಕಾರು ಅಪಘಾತ. ಆ ಕಾರು ಅಪಘಾತದಲ್ಲಿ ಡಿಎಂಕೆ ಶಾಸಕನ ಒಬ್ಬನೇ ಒಬ್ಬ ಪುತ್ರ ಕರುಣಾ ಸಾಗರ್ ಮತ್ತು ಆತ ಮದುವೆಯಾಗಬೇಕೆಂದುಕೊಂಡಿದ್ದ ಬಿಂದು, ಮತ್ತವರ ಸ್ನೇಹಿತರು ಸೇರಿ ಕಾರಿನಲ್ಲಿ ಜಾಲಿಯಾಗಿ ಹೊರಟ ಸಮಯ. ಆದ್ರೆ ಯಮಧೂತ ಅದೆಲ್ಲಿದ್ದನೋ ಒಂದೇ ಸಲಕ್ಕೆ ಎಲ್ಲರನ್ನು ಕರೆದುಕೊಂಡು ಹೋಗೇ ಬಿಟ್ಟ. ಇದಕ್ಕೆಲ್ಲಾ ಕಾರಣ ವಿಧಿ ಅಲ್ಲ ಅವರೇ ಮಾಡಿಕೊಂಡ ಸ್ವಯಂಕೃತ ಅಪರಾಧ.

ಯಾಕಂದ್ರೆ ಸಾಕಷ್ಟು ಬಾರಿ ಪೊಲೀಸರು ಕೂಡ ಎಚ್ಚರಿಕೆಯನ್ನ ಕೊಡ್ತಾನೆ ಇರ್ತಾರೆ ಕುಡಿದು ವಾಹನ ಚಲಾಯಿಸಬೇಡಿ ಅಂತ. ಆದ್ರೂ ಅದೇನು ಮೊಂಡು ಧೈರ್ಯವೋ ಏನೋ. ಮತ್ತದೇ ತಪ್ಪುಗಳು. ಇಲ್ಲಿ ಆಗಿದ್ದು ಅದೇ. ಆ ಹುಡುಗಿಯರಿಬ್ಬರ ಕೊನೆ ಕ್ಷಣ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ರಾತ್ರಿ 8.20 ರ ಸುಮಾರಿಗೆ ಹೊರಟ ಇಷಿತಾ ಹಾಗೂ ಬಿಂದು ಒಂದಷ್ಟು ದೂರ ನಡೆದುಕೊಂಡು ಹೋಗಿರುವುದು ಆ ಬಳಿಕ ವೈನ್ ಶಾಪ್ ಗೆ ಹೋಗಿ ಮದ್ಯ ಖರೀದಿಸಿರುವುದು ಎಲ್ಲವೂ ಸೆರೆಯಾಗಿದೆ. ಸೋನಿ ವರ್ಲ್ಡ್‌ ಮಾರ್ಗದಲ್ಲೂ ಇಬ್ಬರ ದೃಶ್ಯ ಸೆರೆಯಾಗಿದೆ. ಅಲ್ಲಿಂದ ಕರುಣಾ ಸಾಗರ್ ಇವರನ್ನ ಕಾರಿನಲ್ಲಿ ಪಿಕ್ ಮಾಡಿದ್ದಾರೆ.

ಕುಡಿದು ವಾಹನ ಚಲಾಯಿಸುತ್ತಿದ್ದರು ಎನ್ನಲಾಗಿದೆ. ಕಾರಿನ ವೇಗದಿಂದ ಅಪಘಾತ ಸಂಭವಿಸಿದೆ. ಮುಂಜಾಗ್ರತೆ  ಇಲ್ಲದೆ, ಸಾವಿರ ಕನಸು ಕಂಡಿದ್ದ ಜೀವಗಳು ಅದು ತೀರಾ ಚಿಕ್ಕವಯಸ್ಸಿನಲ್ಲೇ ಇಹಲೋಕ ತ್ಯಜಿಸಿದರಲ್ಲಾ ಅನ್ನೋ ಬೇಸರ ಎಲ್ಲರಲ್ಲೂ ಇದೆ. ಹಾಗೇ ಕಣ್ಣ ಮುಂದೆ ಬೆಳೆದ ಮಕ್ಕಳು ಅರ್ಧಕ್ಕೆ ಜೀವನ ಮುಗಿಸಿದರಲ್ಲಾ ಅನ್ನೋ ನೋವು ತಂದೆ ತಾಯಿಯನ್ನ ಬಿಡದೆ ಕಾಡುತ್ತಿದೆ.

What do you think?

Written by suddionenews

Leave a Reply

Your email address will not be published. Required fields are marked *

GIPHY App Key not set. Please check settings

ಮೊಳಗಿತು ಹಿಂದೂ ಮಹಾಗಣಪತಿ ಕೀ ಜೈ ಘೋಷಣೆ ; ಮಹೋತ್ಸವಕ್ಕೆ ವಿಧ್ಯುಕ್ತ ಚಾಲನೆ

ಸಾರ್ವಜನಿಕರ ತುರ್ತು ಮಾಹಿತಿಗೆ; ನಗರದಲ್ಲಿಂದು ಕೋವಿಡ್ ಬೃಹತ್ ಲಸಿಕಾ ಮೇಳ