ಸಿಎಂ ಬೊಮ್ಮಾಯಿ ಸರ್ಕಾರಕ್ಕೆ 6 ತಿಂಗಳು : ಹೈಕಮಾಂಡ್ ತರಿಸಿಕೊಂಡ ರಿಪೋರ್ಟ್ ನಲ್ಲಿ ಏನಿದೆ..?

ಬೆಂಗಳೂರು: ಮಾಜಿ ಸಿಎಂ ಯಡಿಯೂರಪ್ಪ ಸಿಎಂ ಸ್ಥಾನದಿಂದ ಕೆಳಗಿಳಿದ ಬಳಿಕ ಬಸವರಾಜ್ ಬೊಮ್ಮಾಯಿ ಅವರು ಸಿಎಂ ಸ್ಥಾನ ಅಲಂಕರಿಸಿದ್ದರು. ಇದೀಗ ಅವರು ಅಧಿಕಾರ ಸ್ವೀಕಾರ ಮಾಡಿ 6 ತಿಂಗಳು ತುಂಬಿದೆ. ಹೀಗಾಗಿ ಹೈಕಮಾಂಡ್ ಸರ್ಕಾರದ ರಿಪೋರ್ಟ್ ತರಿಸಿಕೊಂಡಿದೆ.

ಇಲಾಖೆಗಳು, ಪಕ್ಷದ ಸಂಘಟನೆ ಹೀಗೆ ಹಲವಾರು ಆಯಾಮದಲ್ಲಿ ಹೈಕಮಾಂಡ್ ರಿಪೋರ್ಟ್ ತರಿಸಿಕೊಳ್ಳಲಾಗಿದೆ. ಪಂಚರಾಜ್ಯಗಳ ಚುನಾವಣೆ ಹತ್ತಿರವಾಗ್ತಾ ಇದ್ದು, ಸಂಪುಟ ವಿಸ್ತರಣೆ ಕೂಡ ಮಾಡಬೇಕಿದೆ. ಕ್ರಿಯಾಶೀಲರಲ್ಲದ ಸಚಿವರನ್ನ ಗುರುತಿಸಲು ರಿಪೋರ್ಟ್ ಗಳನ್ನ ತರಿಸಲಾಗಿದೆ.

ಬಿಜೆಪಿ ಮುಂದೆ ಇರುವ ಗುರಿ ಇದೀಗ ಜನರನ್ನ ತನ್ನತ್ತ ಸೆಳೆಯುವುದು. ಇನ್ನು ಒಂದೂ ವರ್ಷ ಮೂರು ತಿಂಗಳಷ್ಟೇ ಸರ್ಕಾರಕ್ಕೆ ಸಮಾಯವಾಕಾಶವಿರುವುದು. ಹೀಗಾಗಿ ಆ ಸಮಯದಲ್ಲಿ ಜನರನ್ನ ಸೆಳೆಯಲೇಬೇಕಾದ ಅನಿವಾರ್ಯವಾಗಿದೆ. ಈ ಹಿನ್ನೆಲೆ ಸಮರ್ಥವಾಗಿ ಕಾರ್ಯನಿರ್ವಹಿಸುವ ಸಚಿವರನ್ನು ಉಳಿಸಿಕೊಂಡು ಉಳಿದವರನ್ನು ಕೈ ಬಿಡುವುದು. ರಿಪೋರ್ಟ್ ಪರಿಶೀಲಿಸಿ, ಚುನಾವಣೆ ಬೆನ್ನಲ್ಲೇ ಹೈಕಮಾಂಡ್ ಸಂಪುಟಕ್ಕೆ ಸರ್ಜರಿ ಮಾಡಲಿದೆ.