ಚಿತ್ರದುರ್ಗ : ರೈಲಿಗೆ ಸಿಲುಕಿ ಅಪರಿಚಿತ ಮಹಿಳೆ ಸಾವು ; ವಾರಸುದಾರರ ಪತ್ತೆಗೆ ಮನವಿ

ಚಿತ್ರದುರ್ಗ.ಡಿ.30: ಚಳ್ಳಕೆರೆ ಮತ್ತು ತಳಕು ರೈಲ್ವೆ ನಿಲ್ದಾಣಗಳ ಮಧ್ಯೆ ರೈಲ್ವೆ ಕಿ.ಮೀ ನಂ 69/500-600ರಲ್ಲಿ ಸುಮಾರು 25-30 ವರ್ಷದ ಮಹಿಳೆಯ ರೈಲು ಗಾಡಿಗೆ ಸಿಕ್ಕಿ ಮೃತಪಟ್ಟಿರುವ ಪ್ರಕರಣ ಡಿಸೆಂಬರ್ 28ರಂದು ದಾವಣಗೆರೆ ರೈಲ್ವೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

ಅಪರಚಿತ ಮಹಿಳೆಯ ಚಹರೆ ಇಂತಿದೆ. ಸುಮಾರು 4.5 ಅಡಿ ಎತ್ತರ, ಕೋಲುಮುಖ ಸಾಧಾರಣ ಮೈಕಟ್ಟು, ಗೋಧಿ ಮೈಬಣ್ಣ, ತಲೆಯಲ್ಲಿ ಸುಮಾರು 1.5 ಅಡಿ ಉದ್ದನೆಯ ಕೂದಲು ಇರುತ್ತದೆ. ಕೆಂಪು ಮತ್ತು ಬಿಳಿ ಮಿಶ್ರಿತ ಹೂಗಳುಳ್ಳ ನೇರಳೆ ಬಣ್ಣದ ನೈಟಿ, ಕಂದು ಬಣ್ಣದ ಪ್ಯಾಂಟ್, ಕಂದು ಮತ್ತು ಹಳದಿ ಬಣ್ಣದ ಟವಲ್, ಬಿಳಿಬಣ್ಣದ ಟವಲ್ ಇರುತ್ತದೆ.

ಈ ಚಹರೆಯುಳ್ಳ ಮಹಿಳೆಯ ಬಗ್ಗೆ ಮಾಹಿತಿ ದೊರೆತ ಕೂಡಲೇ ದಾವಣಗೆರೆ ರೈಲ್ವೆ ಪೊಲೀಸ್ ಠಾಣೆ ದೂರವಾಣಿ ಸಂಖ್ಯೆ 08192259643 ಗೆ ಸಂಪರ್ಕಿಸಬಹುದು ರೈಲ್ವೆ ಪೊಲೀಸ್ ಠಾಣೆ ಆರಕ್ಷಕ ನಿರೀಕ್ಷಕರು ತಿಳಿಸಿದ್ದಾರೆ.