ಸಿಇಟಿ ಕನ್ನಡ ಭಾಷೆ ಪರೀಕ್ಷೆ ಅಪ್ಡೇಟ್ ; ಏ.18ಕ್ಕೆ ನಡೆಯಲ್ಲ..!

ಬೆಂಗಳೂರು; ಸಿಇಟಿ ಕನ್ನಡ ಭಾಷೆಯ ಪರೀಕ್ಷೆ ಬರೆಯಬೇಕು ಎಂದುಕೊಂಡವರು ಈ ಮಾಹಿತಿಯ ಕಡೆಗೆ ಗಮನ ಹರಿಸಿ. ಅದರಲ್ಲೂ ಹೊರನಾಡು ಹಾಗೂ ಗಡಿನಾಡು ಕನದನಡಿಗ ಅಭ್ಯರ್ಥಿಗಳು ಈ ಪರೀಕ್ಷೆಗೆ ಸಿದ್ಧತೆ ನಡೆಸಿದ್ದರು. ಆದರೆ ಪರೀಕ್ಷೆ ಮೂರು ದಿನ ಮುಂಚಿತವಾಗಿಯೇ ನಡೆಯಲಿದೆ. ಏಪ್ರಿಲ್ 18ಕ್ಕೆ ನಡೆಯಬೇಕಿದ್ದ ಪರೀಕ್ಷೆ ಇದೀಗ ಏಪ್ರಿಲ್ 15ಕ್ಕೆ ಹಿಂದೂಡಿಕೆಯಾಗಿದೆ.

ಏಪ್ರಿಲ್ 18ರಂದು ಗುಡ್ ಫ್ರೈಡ್ ಇದೆ. ಹೀಗಾಗಿ ಅಂದು ರಜಾ ದಿನವಾಗಿರುವ ಕಾರಣ ಪರೀಕ್ಷೆ ದಿನಾಂಕದಲ್ಲಿ ಬದಲಾವಣೆಯನ್ನು ತರಲಾಗಿದೆ. ಸರ್ಕಾರದ ನಿರ್ಧಾರದಂತೆ ಪರೀಕ್ಷೆ ದಿನಾಂಕವನ್ನ ಬದಲಾಯಿಸಲಾಗಿದ್ದು, ಈ ಬಗ್ಗೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಮಾಹಿತಿಯನ್ನು ಹಂಚಿಕೊಂಡಿದೆ. ಹಾಗಾದ್ರೆ ಪರೀಕ್ಷೆ ಯಾವೆಲ್ಲಾ ಕೇಂದ್ರದಲ್ಲಿ ನಡೆಯುತ್ತದೆ ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಬೆಂಗಳೂರು, ಮಂಗಳೂರು, ವಿಜಯಪುರ, ಬೆಳಗಾವಿ ಕೇಂದ್ರಗಳಲ್ಲಿ ಮಾತ್ರ ಕನ್ನಡ ಭಾಷಾ ಪರೀಕ್ಷೆಯನ್ನು ನಡೆಸಲಾಗುತ್ತಿದೆ. ಅಂದು ಬೆಳಗ್ಗೆ 10.30ರಿಂದ 11.30ರವರೆಗೆ ಪರೀಕ್ಷೆಗಳು ನಡೆಯಲಿವೆ. ಇದರ ಜೊತೆಗೆ ಸಿಇಟಿಯ ಉಳಿದ ಪರೀಕ್ಚೆಗಳು ನಿಗದಿಯಾಗಿವೆ. ಅಂದ್ರೆ ಏಪ್ರಿಲ್ 16 ಮತ್ತು 17ರಂದು ಉಳಿದ ಪರೀಕ್ಷೆಗಳು ನಿಗದಿಯಾಗಿದ್ದು, ಅದರಲ್ಲಿ ಯಾವುದೇ ಬದಲಾವಣೆಗಳು ಇರುವುದಿಲ್ಲ. ಅಂದಿನ ಪರೀಕ್ಷೆಗಳು ಅಂದೇ ನಡೆಯುತ್ತವೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವೂ ಈ ಬಗ್ಗೆ ಮಾಹಿತಿಯನ್ನ ಹಂಚಿಕೊಂಡಿದೆ.

ಸದ್ಯ ಸಿಇಟಿ ಎಂಬುದು ಮಕ್ಕಳ ಮುಂದಿನ ವಿಧ್ಯಾಭ್ಯಾಸಕ್ಕೆ ಬಹಳ ಮುಖ್ಯವಾಗಿ ಬೇಕಾದದ್ದಾಗಿದೆ. ಸಿಇಟಿಯಲ್ಲಿ ರ್ಯಾಂಕಿಂಗ್ ಪಡೆಯುವುದಕ್ಕೋಸ್ಕರ ಸಾಕಷ್ಟು ಶ್ರಮವಹಿಸುತ್ತಾರೆ. ಪರೀಕ್ಷೆಗೆ ಇನ್ನು ಸಮಯವೇನೋ ಇದೆ. ಆದರೆ ಫಿಕ್ಸ್ ಆಗಿರೋದಕ್ಕಿಂತ ಮೊದಲೇ ಅದರಲ್ಲೂ ಮೂರು ದಿನ ಮುಂಚಿತವಾಗಿಯೇ ಪರೀಕ್ಷೆ ನಡೆಯಲಿದೆ‌. ಹೀಗಾಗಿ ವಿದ್ಯಾರ್ಥಿಗಳು ಮತ್ತಷ್ಟು ಗಮನ ಹರಿಸಿ ಓದಬೇಕಾಗಿದೆ.