ನನಗೆಲ್ಲಿ 75 ಆಗಿದೆ.. ಮುಂದಿನ ಬಾರಿ ಕುಸ್ತಿ ಹೊಡೆಯುವೆ : ಬಾಬೂರಾವ್ ಚಿಂಚನಸೂರು

ಬೆಂಗಳೂರು: ಮುಂದಿನ ಚುನಾವಣೆಯಲ್ಲಿ ಆಕಾಂಕ್ಷಿಯಾಗಿರುವ ಬಾಬೂರಾವ್ ಚಿಂಚನಸೂರು ನನಗೆಲ್ಲಿ 75 ವರ್ಷವಾಗಿದೆ. ಮುಂದಿನ ಬಾರಿ ಕುಸ್ತಿ ಹೊಡೆಯುವೆ ಎಂದು ಹೇಳಿದ್ದಾರೆ.

ಸಿ ಎಂ ಇಬ್ರಾಹಿಂ ರಾಜೀನಾಮೆಯಿಂದ ತೆರವಾಗಿದ್ದ ವಿಧಾನಪರಿಷತ್ ಸ್ಥಾನಕ್ಕೆ ಆಗಸ್ಟ್ 11 ರಂದು ಚುನಾವಣೆ ನಡೆಯಲಿದೆ. ಈ ಚುನಾವಣೆಯಲ್ಲಿ ಬಿಜೆಪಿಯಿಂದ ಬಾಬೂರಾವ್ ಚಿಂಚನಸೂರು ಅವರಿಗೆ ಟಿಕೆಟ್ ನೀಡುವುದು ಪಕ್ಕಾ ಆಗಿದೆ. ಈ ವಿಚಾರವಾಗಿ ಮಾಧ್ಯಮದವರ ಜೊತೆ ಮಾತನಾಡಿದ ಚಿಂಚನಸೂರು, ಹೈದರಬಾದ್ ಕರ್ನಾಟಕ ಭಾಗದಲ್ಲಿ ಐದು ಬಾರಿ ಗೆಲುವು ಕಂಡಿದ್ದೇನೆ. 75 ಮೀರಿದವರಿಗೂ ಬಿಜೆಪಿಯಲ್ಲಿ ಟಿಕೆಟ್ ನೀಡಲಾಗಿದೆ. ನನಗೆಲ್ಲಿ 75 ವಯಸ್ಸಾಗಿದೆ ಎಂದಿದ್ದಾರೆ.

ಆ ಭಾಗದಲ್ಲಿ ನಮ್ಮ ಕೋಲಿ ಸಮಾಜದ ಶೇ. 75 ರಷ್ಟು ವೋಟ್ ಇದೆ. ನನ್ನನ್ನು ಗುರುತಿಸಿ ಪಕ್ಷ ಪರಿಷತ್ ಟಿಕೆಟ್ ನೀಡಿದೆ. ಹೈದ್ರಬಾದ್ ಕರ್ನಾಟಕ ಭಾಗದಲ್ಲಿ ಬಿಜೆಪಿಯನ್ನು ಸೋಲಿಸಲು ಸಾಧ್ಯವಿಲ್ಲ. ಮುಂದಿನ ಬಾರಿ ನಾನು ಗುರುಮಿಟ್ಕಲ್ ಕ್ಷೇತ್ರದಿಂದ ಸ್ಪರ್ಧಿಸುತ್ತೇನ. ನಾನಿನ್ನು ಮದುವೆ ಗಂಡು ಇದ್ದಂಗೆ ಇದ್ದೀನಿ ಎಂದಿದ್ದಾರೆ.