ಬೆಂಗಳೂರು: ಮಕ್ಕಳನ್ನ ಮನೆ ಮುಂದೆ ಆಟವಾಡಲು ಬಿಟ್ಟು ಇನ್ನೆಲ್ಲೋ ಗಮನ ಕೊಡುವ ಪೋಷಕರು ಇನ್ಮುಂದೆ ಕೊಂಚ ಎಚ್ಚರದಿಂದಿರಿ. ಯಾಕಂದ್ರೆ ಕಿಡ್ನ್ಯಾಪರ್ಸ್ ಅಂಥ ಸಮಯವನ್ನೇ ಕಾಯ್ತಿದ್ದಾರೆ. ಮಕ್ಕಳನ್ನ ಅಪಹರಿಸುತ್ತಿದ್ದಾರೆ.
ವಿದ್ಯಾರಣ್ಯಪುರ ವ್ಯಾಸ್ ಸ್ಕೂಲ್ ಮುಂಭಾಗದ, ಎಲ್ ಜಿ ಎನ್ಕ್ಲೇವ್ ಅಪಾರ್ಟ್ ಮೆಂಟ್ ಬಳಿ ನಡೆದ ಘಟನೆ ನಡೆದಿದೆ. ಸದ್ಯ ಸಿಸಿಟಿವಿ ದೃಶ್ಯಾವಳಿಯನ್ನ ವಿದ್ಯಾರಣ್ಯಪುರ ಪೊಲೀಸರಿಗೆ ಸ್ಥಳೀಯರು ನೀಡಿದ್ದಾರೆ.
ಈಗಾಗಲೇ ಮೂವರು ಕಿಡ್ನ್ಯಾಪರ್ಸ್ ಗಳಿಂದ ಮಕ್ಕಳನ್ನ ಅಪಹರಣ ಮಾಡುವ ಯತ್ನ ನಡೆದಿದೆ. ಆ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಮಕ್ಕಳಿಗೆ ಚಾಕ್ಲೇಟ್ ಕೊಟ್ಟು ಕಿಡ್ನ್ಯಾಪ್ ಮಾಡುವ ಫ್ಲ್ಯಾನ್ ಹಾಕಿಕೊಂಡಿದ್ದಾರೆ.
ಈ ಗ್ಯಾಂಗ್ ಮನೆ ಮುಂದೆ ಆಟವಾಡುತ್ತಿರುವ ಮಕ್ಕಳಿಗೆ ಚಾಕ್ಲೇಟ್ ಕೊಟ್ಟು ಪುಸಲಾಯಿಸುತ್ತಿದ್ದರು. ಚಾಕಲೇಟ್ ಆಸೆಗೆ ಮಕ್ಕಳು ಅವರ ಹಿಂದೆ ಹೋಗಿದ್ದಾರೆ. ಐದಾರು ಮಕ್ಕಳು ಅಪರಿಚಿತನ ಹಿಂದೆ ಹೋಗುತ್ತಿರುವುದನ್ನ ಅಲ್ಲಿನ ಸ್ಥಳೀಯರು ಕಂಡಿದ್ದಾರೆ. ಅನುಮಾನಗೊಂಡು ಪ್ರಶ್ನಿಸಿದಾಗ ಮೂವರು ಓಡಿ ಹೋಗಿದ್ದಾರೆ.
Newbie Techy