Bharath bandh: ಅಗ್ನಿಪಥ್ ಪ್ರತಿಭಟನೆಯ ಕಾವು ದೆಹಲಿ ರಸ್ತೆಗಳು ಜ್ಯಾಮ್..!

ನವದೆಹಲಿ: ಹೊಸ ಅಗ್ನಿಪಥ್ ನೇಮಕಾತಿ ಯೋಜನೆಯನ್ನು ವಿರೋಧಿಸಿ ಭಾರತ್ ಬಂದ್ ಘೋಷಿಸಿರುವುದರಿಂದ ದೆಹಲಿ ಪೊಲೀಸರು ಚೆಕ್ ಪೋಸ್ಟ್‌ಗಳನ್ನು ಸ್ಥಾಪಿಸಿರುವುದ್ದು, ದೆಹಲಿ-ಎನ್‌ಸಿಆರ್ ಗಡಿಗಳು ಭಾರಿ ಟ್ರಾಫಿಕ್ ರಾಶಿ ಉಂಟಾಗಿದೆ.

ಸಶಸ್ತ್ರ ಪಡೆಗಳಿಗೆ ಹೊಸ ಅಗ್ನಿಪಥ್ ನೇಮಕಾತಿ ಯೋಜನೆಯ ವಿರುದ್ಧ ಪ್ರತಿಭಟನೆಯ ಭಾಗವಾಗಿ ಕೆಲವು ಸಂಘಟನೆಗಳು ಭಾರತ್ ಬಂದ್ ಘೋಷಣೆ ಮಾಡಿರುವುದರ ನಡುವೆ, ದೆಹಲಿ-ಗುರ್ಗಾಂವ್ ಎಕ್ಸ್‌ಪ್ರೆಸ್‌ವೇನಲ್ಲಿ ಭಾರಿ ಟ್ರಾಫಿಕ್ ಕಂಡು ಬಂದಿದೆ. ದೆಹಲಿ ಪೊಲೀಸರು ಸರ್ಹೌಲ್ ಗಡಿಯಲ್ಲಿ ಚೆಕ್ ಪೋಸ್ಟ್ ಸ್ಥಾಪಿಸಿರುವುದರಿಂದ ಸಂಚಾರ ಸಂಚಾರ ಸಂಪೂರ್ಣ ನಿಧಾನಗತಿಯಲ್ಲಿದೆ.

ಅಲ್ಲದೆ, ದೆಹಲಿ ಟ್ರಾಫಿಕ್ ಪೊಲೀಸರು ಇಂದು ಟ್ವೀಟ್ ಮಾಡಿದ್ದು, ದೆಹಲಿಯ ಮುಖ್ಯ ರಸ್ತೆಗಳನ್ನು ನಿರ್ದಿಷ್ಟ ಅವಧಿಗೆ ಮುಚ್ಚಲಾಗುವುದು ಎಂದು ಖಚಿತಪಡಿಸಿದ್ದಾರೆ. ಅಲ್ಲದೆ, ಉತ್ತರ ಪ್ರದೇಶದ ನೋಯ್ಡಾ ಸುತ್ತಮುತ್ತಲೂ ಇದೇ ರೀತಿಯ ಪರಿಸ್ಥಿತಿ ಕಂಡುಬಂದಿದೆ. ದೆಹಲಿ ಗಡಿಯತ್ತ ಆಂದೋಲನಕಾರರು ಮುನ್ನುಗ್ಗುವ ಸಾಧ್ಯತೆಯಿದೆ ಎಂಬ ಎಚ್ಚರಿಕೆಯನ್ನು ಇಲಾಖೆಗೆ ಸಿಕ್ಕಿದೆ. ಮತ್ತು ರಾಜಧಾನಿ ನಗರದ ವಿವಿಧ ಗಡಿಗಳಲ್ಲಿ ಚೆಕ್ ಪೋಸ್ಟ್‌ಗಳನ್ನು ನಿರ್ಮಿಸಲಾಗಿದೆ.

ದೆಹಲಿ ಪೊಲೀಸ್‌ ಹಿರಿಯ ಅಧಿಕಾರಿಗಳು ಟಿಕ್ರಿ ಬಾರ್ಡರ್, ಸಿಂಧು ಬಾರ್ಡರ್, ಅಪ್ಸರಾ ಬಾರ್ಡರ್, ಘಾಜಿಪುರ ಬಾರ್ಡರ್ ಮತ್ತು ಬಾದರ್‌ಪುರ ಬಾರ್ಡರ್‌ನಲ್ಲಿ ಭದ್ರತೆಗೆ ಸಂಬಂಧಿಸಿದಂತೆ ಉನ್ನತ ಮಟ್ಟದ ಸಭೆ ನಡೆಸಿದ್ದಾರೆ. ಇದಲ್ಲದೆ, ಅಗ್ನಿಪಥ್ ಸೇನೆಯ ನೇಮಕಾತಿಯ ವಿರುದ್ಧ ಪ್ರತಿಭಟನೆಯ ನೆಪದಲ್ಲಿ ಹೆಚ್ಚಿನ ಸಂಖ್ಯೆಯ ಟ್ರಾಕ್ಟರ್‌ಗಳು ದೆಹಲಿಯ ಕಡೆಗೆ ಪ್ರಯಾಣಿಸಬಹುದಾದಂತಹ ಮಾಹಿತಿಗಳನ್ನು ದೆಹಲಿ ಪೊಲೀಸರು ಪಡೆಯುತ್ತಿದ್ದಾರೆ.

ಬೆಳಗ್ಗೆ 8:00 ರಿಂದ ಮಧ್ಯಾಹ್ನ 12:00 ರವರೆಗೆ ಬಹು ರಸ್ತೆಗಳನ್ನು ತಪ್ಪಿಸುವಂತೆ ದೆಹಲಿ ಪೊಲೀಸರು ದೆಹಲಿಗರನ್ನು ಒತ್ತಾಯಿಸಿದ್ದಾರೆ. ಮೋತಿಲಾಲ್ ನೆಹರು ಮಾರ್ಗ, ಅಕ್ಬರ್ ರಸ್ತೆ, ಜನಪಥ್, ಗೋಲ್ ಮೇಥಿ ಜಂಕ್ಷನ್, ತುಘಲಕ್ ರಸ್ತೆ ಜಂಕ್ಷನ್, ಕ್ಲಾರಿಡ್ಜಸ್ ಜಂಕ್ಷನ್, ಕ್ಯೂ-ಪಾಯಿಂಟ್ ಜಂಕ್ಷನ್, ಸುನೆಹ್ರಿ ಮಸೀದಿ ಜಂಕ್ಷನ್, ಮೌಲಾನಾ ಆಜಾದ್ ರಸ್ತೆ ಜಂಕ್ಷನ್ ಮತ್ತು ಮಾನ್ ಸಿಂಗ್ ರಸ್ತೆಗಳಲ್ಲಿ ವಿಶೇಷ ವ್ಯವಸ್ಥೆ ಕುರಿತು ಪೊಲೀಸ್ ಇಲಾಖೆ ಟ್ವೀಟ್ ಮಾಡಿದೆ.