ಚಿತ್ರದುರ್ಗ | ಕಾತ್ರಾಳ್ ಕೆರೆ ಬಳಿ ರಸ್ತೆ ಅಪಘಾತ, ಮೂವರು ಸಾವು

ಚಿತ್ರದುರ್ಗ, (ಮಾ.30) : ರಾಷ್ಟ್ರೀಯ ಹೆದ್ದಾರಿ 4 (48) ಕಾತ್ರಾಳ್ ಕೆರೆಯ ಬ್ರಿಡ್ಜ್ ಬಳಿ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಮೂವರು ಸಾವನ್ನಪ್ಪಿದ್ದು ಹಲವರಿಗೆ ಗಾಯಗಳಾಗಿವೆ.

ಜಗಳೂರು ತಾಲ್ಲೂಕು ಕೆಳಗೋಟೆ ಗ್ರಾಮದ 10 ಜನ ಪ್ರಯಾಣಿಕರು ಮಾರಘಟ್ಟ ಗ್ರಾಮಕ್ಕೆ ಸಂಬಂಧಿಕರ ಶವಸಂಸ್ಕಾರಕ್ಕೆ ಹೋಗುವ ವೇಳೆ ಎನ್.ಹೆಚ್.48 ರ ಕಾತ್ರಾಳ್ ಕೆರೆಯ ಬ್ರಿಡ್ಜ್ ಬಳಿ ದಾವಣಗೆರೆ ಕಡೆಯಿಂದ ಚಿತ್ರದುರ್ಗದ ಕಡೆಗೆ ಅತಿವೇಗ ಮತ್ತು ಅಜಾಗರೂಕತೆಯಿಂದ ಬಂದ ಈಚರ್ ಲಾರಿ ಡಿಕ್ಕಿಯಾಗಿ ಈ ದುರಂತ ಸಂಭವಿಸಿದೆ.

ಅಪಘಾತ ಸಂಭವಿಸಿ, ಗಂಭೀರವಾಗಿ ಗಾಯಗೊಂಡಿದ್ದವರನ್ನು ಚಿತ್ರದುರ್ಗ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಹಾಲಪ್ಪ, (70), ರುದ್ರಮ್ಮ(58) ಮತ್ತು ಸಣ್ಣ ಬಸವರಾಜಪ್ಪ, (45) ಇವರು ಚಿಕಿತ್ಸೆ
ಫಲಕಾರಿಯಾಗದೇ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಕಲ್ಲೇಶಪ್ಪ, ಚಂದ್ರಪ್ಪ, ಪಾರ್ವತಮ್ಮ, ರುದ್ರೇಶಪ್ಪ, ಸಿದ್ದೇಶ ಇವರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಚಿತ್ರದುರ್ಗ ಗ್ರಾಮಾಂತರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.