ಹೈದ್ರಾಬಾದ್ ನಲ್ಲಿ ರವಿಚಂದ್ರನ್, ಉಪ್ಪಿ ಸಿನಿಮಾಗೆ ಎದುರಾಯ್ತಾ ಸಂಕಷ್ಟ..? ನಿರ್ಮಾಪಕ ಶ್ರೀನಿವಾಸ್ ಹೇಳೋದೇನು..?

ಬೆಂಗಳೂರು: ತ್ರಿಶೂಲಂ ಸಿನಿಮಾ ನಿನ್ನೆಯಿಂದ ಹೈದರಾಬಾದ್ ನಲ್ಲಿ ಚಿತ್ರೀಕರಣ ಆರಂಭಿಸಿದೆ. ಕ್ರೇಜಿಸ್ಟಾರ್ ರವಿಚಂದ್ರನ್ ಹಾಗೂ ಉಪೇಂದ್ರ ಅಭಿನಯದ ಈ ಸಿನಿಮಾಗೆ ಓಂ ಪ್ರಕಾಶ್ ರಾವ್ ಆಕ್ಷನ್ ಕಟ್ ಹೇಳ್ತಿದ್ದಾರೆ. ಆದ್ರೆ ಹೈದ್ರಾಬಾದ್ ನಲ್ಲಿ ಚಿತ್ರೀಕರಣಕ್ಕೆ ಅಡ್ಡಿ ಮಾಡ್ತಿದ್ದಾರೆ ಅಂತ ನಿರ್ಮಾಪಕ ಕನಕಪುರ ಶ್ರೀನಿವಾಸ್ ಆರೋಪ ಮಾಡಿದ್ದಾರೆ.

ಹೈದ್ರಾಬಾದ್ ನ ಸಿನಿಫೆಡರೇಷನ್ ಅವರು ಹಣಕ್ಕಾಗಿ ಬ್ಲಾಕ್ ಮೇಲ್ ಮಾಡ್ತಿದ್ದಾರೆ ಅಂತ ಶ್ರೀನಿವಾಸ್ ಆರೋಪ ಮಾಡಿದ್ದಾರೆ. ಬಿಲ್ ಕೊಡದೆ ಹಣ ಕೇಳುತ್ತಿದ್ದಾರೆ. 6 ಲಕ್ಷ ಹಣ ಕಟ್ಟಬೇಕಿತ್ತು. ಆದ್ರೆ 1 ಲಕ್ಷ ಹಣ ಕಟ್ಟಿದ್ದೇನೆ. ಆದ್ರೆ 7 ಲಕ್ಷ ಹಣ ಕಟ್ಟಿದ್ರೆ ಮಾತ್ರ ಯೂನಿಟ್ ಕೊಡುವುದಾಗಿ ಹೇಳ್ತಿದ್ದಾರೆಂದು ಶ್ರೀನಿವಾಸ್ ಆರೋಪ ಮಾಡಿದ್ದಾರೆ.

ಒಂದು ದಿನ ಶೂಟಿಂಗ್ ನಿಂತ್ರೆ 20 ಲಕ್ಷ ಹಣ ನಷ್ಟವಾಗುತ್ತೆ. ಸಾಂಗಿ ಟೆಂಪಲ್ ಬಳಿ ಚಿತ್ರೀಕರಣ ನಡೆಸಲು ತೆರಳಲಾಗಿದೆ. ಆದರೆ ಶೂಟಿಂಗ್ ನಡೆಸಲು ಸಾಧ್ಯವಾಗ್ತಾ ಇಲ್ಲ ಎಂದು ಪತ್ರದ ಮೂಲಕ ಅಳಲು ತೋಡಿಕೊಂಡಿದ್ದಾರೆ.