ಗುಜರಾತ್ ವಿಧಾನಸಭಾ ಚುನಾವಣೆಯ ಡೇಟ್ ಅನೌನ್ಸ್ ಮಾಡಿಯಾಗಿದೆ. ಇದೀಗ ಪಕ್ಷಗಳು ತಮ್ಮ ಸಿಎಂ ಅಭ್ಯರ್ಥಿಗಳನ್ನು ಆಯ್ಕೆ ಮಾಡುವ ಸವಾಲಿನಲ್ಲಿವೆ. ಎಲ್ಲರಿಗಿಂತ ಮೊದಲು ಆಪ್ ಪಕ್ಷ ತಮ್ಮ ಸಿಎಂ ಅಭ್ಯರ್ಥಿ ಯಾರು ಎಂಬುದನ್ನು ಘೋಷಣೆ ಮಾಡಿದೆ. ಪತ್ರಕರ್ತರಾಗಿದ್ದವರನ್ನು ಇದೀಗ ಸಿಎಂ ಅಭ್ಯರ್ಥಿ ಎಂದು ಘೋಷಣೆ ಮಾಡಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿರುವ ಸಿಎಂ ಅರವಿಂದ್ ಕೇಜ್ರಿವಾಲ್, ಸಿಎಂ ಅಭ್ಯರ್ಥಿ ಆಯ್ಕೆಗೂ ಮುನ್ನ ಜನರ ಬಳಿ ಸಲಹೆ ಕೇಳಿದ್ದೆವು. ಅವರು ತಮ್ಮ ಸಿಎಂ ಅಭ್ಯರ್ಥಿ ಆಯ್ಕೆ ಮಾಡಿದ್ದಾರೆ. ಅವರು ಬೇರೆ ಯಾರು ಅಲ್ಲ ಇಶುದನ್ ಗಢ್ವಿ. ಸಿಎಂ ಅಭ್ಯರ್ಥಿ ವಿಚಾರಕ್ಕೆ ಸಂಬಂಧಿಸಿದಂತೆ ನಮಗೆ 16 ಲಕ್ಷದ 48 ಸಾವಿರದ ಜನರಿಂದ ಸಲಹೆ ಸಿಕ್ಕಿದೆ. ಅದರಲ್ಲಿ 73 ಪ್ರತಿಶತ ಜನರು ಇಶುದನ್ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ ಎಂದಿದ್ದಾರೆ.
ಡಿಸೆಂಬರ್ 1 ಮತ್ತು 5 ರಂದು ಎರಡು ಹಂತದಲ್ಲಿ ಮತದಾನ ನಡೆಯಲಿದ್ದು, ಆಪ್ ಪಕ್ಷದಿಂದ ಅಭ್ಯರ್ಥಿಯ ಘೋಷಣೆಯಾಗಿದೆ. ವೃತ್ತಿಯಲ್ಲಿ ಇಶುದನ್ ಅವರು ಪತ್ರಕರ್ತರಾಗಿದ್ದು, ಕಳೆದ ವರ್ಷ ಜೂನ್ ತಿಂಗಳಲ್ಲಿ ಆಮ್ ಅದ್ಮಿ ಪಕ್ಷ ಸೇರ್ಪಡೆಯಾಗಿದ್ದರು.
Newbie Techy