ಉಚಿತ ಸೀರೆ ಕೊಡುತ್ತಾರೆಂದು ಹೋಗಿದ್ದ 4 ಮಹಿಳೆಯರು ಸಾವು : ಇನ್ನು ಹಲವರ ಸ್ಥಿತಿ ಗಂಭೀರ..!

ತಮಿಳುನಾಡು: ಚುನಾವಣೆ ಸಮಯದಲ್ಲಿ ಜನರನ್ನು‌ ಮರಳು ಮಾಡಲು ಈ ರಾಜಕಾರಣಿಗಳು ಉಚಿತ ಸೀರೆ, ಉಚಿತ ಕುಕ್ಕರ್ ಅಂತ ಉಚಿತವಾದ ಗಿಫ್ಟ್ ಗಳನ್ನು ನೀಡುತ್ತಾರೆ. ಆದರೆ ತಮಿಳುನಾಡಿನ ತಿರುಪತ್ತೂರು ಜಿಲ್ಲೆಯ ವನ್ನಿಯಂಬಾಳಿಯಲ್ಲಿ ಉಚಿತ ಸೀರೆ ಹಂಚಿಕೆ ಮಾಡಿದ್ಎಉ, ಇದು ನಾಲ್ಕು ಮಹಿಳೆಯರ ಸಾವಿಗೆ ಕಾರಣವಾಗಿದೆ.

ವನ್ನಿಯಂಬಾಳಿಯಲ್ಲಿ ಥೈಪೋಸಂ ಹಬ್ಬ ನಡೆಯುತ್ತಿದೆ. ಈ ಹಬ್ಬದ ಹಿನ್ನೆಲೆ ಅಯ್ಯಪ್ಪನ್ ಎಂಬುವವರು ಮಹಿಳೆಯರಿಗೆ ಉಚಿತ ಸೀರೆ ಹಂಚಿಕೆ ಮಾಡಿದ್ದಾರೆ. ಸೀರೆ ಪಡೆಯುವವರಿಗೆ ಟೋಕನ್ ವ್ಯವಸ್ಥೆ ಕೂಡ ಮಾಡಲಾಗಿತ್ತು. ಈ ಟೋಕನ್ ನೀಡಿದರೆ ಸೀರೆ ನೀಡಲಾಗುತ್ತಾ ಇತ್ತು. ಆದರೆ ಈ ವಿಚಾರ ಸುತ್ತ ಮುತ್ತ ಬೇಗ ಹರಡಿದೆ.

ಹೀಗಾಗಿ ಮಹಿಳೆಯರೆಲ್ಲ ಉಚಿತ ಸೀರೆ ಪಡೆಯಲು ಮುಗಿಬಿದ್ದಿದ್ದಾರೆ. ಟೋಕನ್ ಪಡೆಯುವುದಕ್ಕೇನೆ ನೂಕು ನುಗ್ಗಲಾಗಿದೆ. ಈ ಪರಿಣಾಮ ನಾಲ್ಕು ಜನ ವೃದ್ದೆಯರು ಕಾಲ್ತುಳಿತಕ್ಕೆ ಸಿಲುಕಿ ಸಾವನ್ನಪ್ಪಿದ್ದಾರೆ. ಇನ್ನು ಹನ್ನೊಂದು ಜನರ ಸ್ಥಿತಿ ಗಂಭೀರವಾಗಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಈ ಸಂಬಂಧ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ಕೂಡ ದಾಖಲಾಗಿದೆ.ಬ