ಸೆಲೆಬ್ರೆಟಿಗಳ ಶವ, ಮಕ್ಕಳ ಸಾಗಾಣಿಕೆ : ಇದೇನಿದು ಸಲ್ಮಾನ್ ಮೇಲೆ ಇಂಥ ದೊಡ್ಡ ಆರೋಪ..!

ಮುಂಬೈ: ಸಲ್ಮಾನ್ ಖಾನ್ ಅತಿ ದೊಡ್ಡ ಸ್ಟಾರ್. ಅಷ್ಟೇ ಅಲ್ಲ ಆಗಾಗ ಕೃಷಿ ಕಾಯಕದಲ್ಲೂ ತೊಡಗುತ್ತಾರೆ ಆ ಫೋಟೋಗಳನ್ನ ಶೇರ್ ಮಾಡ್ತಾ ಇರ್ತಾರೆ. ಸಲ್ಮಾನ್ ಖಾನ್ ತಮ್ಮದೇ ಆದ ಫಾರ್ಮ್ ಹೌಸ್ ಹೊಂದಿದ್ದು, ಬಿಡುವಿನ ವೇಳೆಯಲ್ಲೆಲ್ಲಾ ಆ ಫಾರ್ಮ್ ಹೌಸ್ ನಲ್ಲೇ ಕಾಲ ಕಳೆಯುತ್ತಾರೆ. ಆದ್ರೆ ಆ ಫಾರ್ಮ್ ಹೌಸ್ ನಲ್ಲಿ ಸೆಲೆಬ್ರೆಟಿಗಳ ಶವವನ್ನ ಹೂಳುತ್ತಾರೆ ಎಂಬ ಆರೋಪ ಕೇಳಿ ಬಂದಿದೆ.

ಈಗಾಗಲೇ ಪನ್ವೇಲ್ ಫಾರ್ಮ್ ಹೌಸ್ ಆಸ್ತಿ ವಿವಾದ ನಡೆಯುತ್ತಿದೆ. ಅದರ ನಡುವೆ ಇದೀಗ ನೆರೆಮನೆಯ ಕೇತನ್ ಕಕ್ಕಡ್ ಎನ್ನುವವರು ಸಲ್ಮಾನ್ ಖಾನ್ ಮೇಲೆ ಗಂಭೀರ ಆರೋಪ ಮಾಡಿದ್ದಾರೆ. ಅವರ ಫಾರ್ಮ್ ಹೌಸ್ ನಲ್ಲಿ ಸೆಲೆಬ್ರೆಟಿಗಳ ಶವಗಳನ್ನ ಹೂಳುತ್ತಾರೆ ಅಷ್ಟೇ ಅಲ್ಲ, ಮಕ್ಕಳ ಕಳ್ಳಸಾಗಾಣಿಕೆಯೂ ನಡೆಯುತ್ತಿದೆ ಎಂದು ಆರೋಪಿಸಿದ್ದಾರೆ.

ಈ ಆರೋಪದಿಂದ ರೊಚ್ಚಿಗೆದ್ದ ಸಲ್ಮಾನ್ ಖಾನ್ ಇದೀಗ ಕಕ್ಕಡ್ ವಿರುದ್ಧ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾರೆ. ಅವರ ಹೇಳಿಕೆಗೆ ಯಾವುದೇ ಪುರಾವೆಗಳಿಲ್ಲ. ಇದು ನಟನ ಪ್ರತಿಷ್ಟೆಗೆ ಕಳಂಕ ತರುವ ಉದ್ದೇಶ ಪೂರ್ವಕವಾಗಿ ಪ್ರಯತ್ನವಾಗಿದೆ ಎಂದು ಸಲ್ಮಾನ್ ಖಾನ್ ಪರ ವಕೀಲರು ತಿಳಿಸಿದ್ದಾರೆ.