ಸುಧಾರಾಣಿ ಶ್ವಾನ ಸಿಕ್ಕ ಬೆನ್ನಲ್ಲೇ ದೀಪಿಕಾ ದಾಸ್ ಬೆಕ್ಕು ಕಳೆದೋಗಿದೆ..!

ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಪ್ರಾಣಿ ಪ್ರೇಮಿಗಳು ಹೆಚ್ಚಾಗಿದ್ದಾರೆ. ಪ್ರಾಣಿಗಳ ಜೊತೆಗೆ ಒಡನಾಟವನ್ನು ಹೊಂದುತ್ತಾರೆ. ಆಟ, ಪಾಠ, ಒಡನಾಟ ಎಲ್ಲವೂ ಪ್ರಾಣಿಗಳ ಜೊತೆಗೆ ತುಸು ಹೆಚ್ಚೆ ಇರುತ್ತದೆ. ಅದು ಸಾಮಾನ್ಯ ಜನರಾದರೂ ಸರಿ, ಸೆಲೆಬ್ರಿಟಿಗಳಾದರೂ ಸರಿ. ಇತ್ತಿಚೆಗಷ್ಟೇ ನಟಿ ಸುಧಾರಾಣಿ ಅವರ ಗಂಗಮ್ಮ ಹೆಸರಿನ ಶ್ವಾನ ಕಳೆದು ಹೋಗಿತ್ತು. ಅವರು ಕೂಎ ಸೋಷಿಯಲ್ ಮೀಡಿಯಾದಲ್ಲಿ ಅವಲತ್ತುಕೊಂಡಿದ್ದರು. ಬಳಿಕ ಹೇಗೋ ಅವರ ಗಂಗಮ್ಮ ಅವರಿಗೆ ಸಿಕ್ಕಿತ್ತು. ಇದೀಗ ನಟಿ ದೀಪಿಕಾ ದಾಸ್ ಅವರ ಬೆಕ್ಕು ನಾಪತ್ತೆಯಾಗಿದೆ.

ದೀಪಿಕಾ ದಾಸ್ ಮನೆಯಲ್ಲಿ ಪರ್ಷಿಯನ್ ತಳಿಯ ಗಂಡು ಬೆಕ್ಕನ್ನು ಸಾಕಿದ್ದಾರೆ. ಅದು ಕಪ್ಪು ಬಣ್ಣದಿಂದ ಕೂಡಿದೆ. ಅದಕ್ಕೆ ಈಗಿನ್ನು ಒಂಭತ್ತು ತಿಂಗಳು. ಆದ್ರೆ ಇದ್ದಕ್ಕಿದ್ದ ಹಾಗೇ ಕಾಣೆಯಾಗಿದೆ. ಮುದ್ದಾಗಿ ಸಾಕಿರುವ ಶ್ಯಾಡೋ ಕಾಣೆಯಾಗಿರುವ ಕಾರಣ ಮನೆಯವರೆಲ್ಲ ಬೇಸರದಿಂದ ಇದ್ದಾರೆ. ಜೊತೆಗೆ ಅದನ್ನು ಹುಡುಕಿ ಕೊಟ್ಟವರಿಗೆ 10-15 ಸಾವಿರ ಬಹುಮಾನ ನೀಡುವುದಾಗಿ ನಟಿ ದೀಪಿಕಾ ದಾಸ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ್ದಾರೆ.

ಬಿಗ್ ಬಾಸ್ ಖ್ಯಾತಿಯ ದೀಪಿಕಾ ದಾಸ್ ಉತ್ತರಾಖಂಡದ ಪ್ರವಾಸದಲ್ಲಿದ್ದರು. ತಾವೂ ಪ್ರವಾಸದಲ್ಲಿದ್ದ ಫೋಟೋಗಳನ್ನೆಲ್ಲಾ ಹಂಚಿಕೊಳ್ಳುತ್ತಾ ಇದ್ದರು. ಅಲ್ಲಿಂದ ವಾಪಾಸ್ ಆಗುತ್ತಿದ್ದಂತೆ ಇದೀಗ ಬೆಕ್ಕು ಕಾಣೆಯಾಗಿದೆ. ದೀಪಿಕಾ ಅವರ ಪೋಸ್ಟ್ ಗೆ ಫ್ಯಾನ್ಸ್ ಕೂಡ ತರಹೇವಾರಿ ಕಮೆಂಟ್ ಮಾಡಿದ್ದಾರೆ.