ಅಮೇರಿಕಾದ ದುರ್ಬಲ ಅಧ್ಯಕ್ಷ ಜೋ ಬಿಡನ್ : ಯುದ್ಧ ಮಾಡುವ ಸಾಧ್ಯತೆಯೇ ಹೆಚ್ಚು

 
ಅಮೇರಿಕಾದ ದುರ್ಬಲ ಅಧ್ಯಕ್ಷ ಜೋ ಬಿಡನ್ : ಯುದ್ಧ ಮಾಡುವ ಸಾಧ್ಯತೆಯೇ ಹೆಚ್ಚು

ವಾಷಿಂಗ್ಟನ್ : ಅಮೇರಿಕಾದ ಚುನಾಯಿತ ನೂತನ ಅಧ್ಯಕ್ಷ ಜೋ ಬಿಡನ್ ಅವರ ಆಡಳಿತದಲ್ಲಿ ಅಮೆರಿಕ ಮತ್ತು ಚೀನಾದೊಂದಿಗಿನ ಸಂಬಂಧಗಳು ಸುಧಾರಿಸುತ್ತವೆ ಎಂಬ ಭ್ರಮೆಯನ್ನು ಚೀನಾ ಕೈಬಿಡಬೇಕು ಎಂದು ಚೀನಾ ಸರ್ಕಾರದ ಸಲಹೆಗಾರರೊಬ್ಬರು ಹೇಳಿದ್ದಾರೆ.

ಅಮೇರಿಕಾದ ನಿಕಟಪೂರ್ವ ಅಧ್ಯಕ್ಷ  ಡೊನಾಲ್ಡ್ ಟ್ರಂಪ್ ಅವರ ಅಧಿಕಾರಾವಧಿಯಲ್ಲಿ, ಉಭಯ ರಾಷ್ಟ್ರಗಳ ನಡುವಿನ ಸಂಬಂಧಗಳು ಸಂಪೂರ್ಣವಾಗಿ ಹದಗೆಟ್ಟವು ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರ.

ಈ ನಿಟ್ಟಿನಲ್ಲಿ ಹೊಸದಾಗಿ ಚುನಾಯಿತರಾದ ಅಧ್ಯಕ್ಷರೊಂದಿಗೆ ಉತ್ತಮ ಬಾಂಧವ್ಯ ಹೊಂದುತ್ತೇವೆ ಎಂಬ ಭ್ರಮೆ ಚೀನಾಕ್ಕೆ ಪ್ರಸ್ತುತ ಇಲ್ಲ ಎಂದು ಶೆನ್ಜೆನ್ ಮೂಲದ ಥಿಂಕ್ ಟ್ಯಾಂಕ್‌ನ ಅಡ್ವಾನ್ಸ್ಡ್ ಇನ್‌ಸ್ಟಿಟ್ಯೂಟ್ ಆಫ್ ಗ್ಲೋಬಲ್ ಮತ್ತು ಕಾಂಟೆಂಪರರಿ ಚೀನಾ ಸ್ಟಡೀಸ್‌ನ ಡೀನ್ ಜೆಂಗ್ ಯೋಂಗ್ನಿಯನ್ ಹೇಳಿದ್ದಾರೆ.

ಅಮೇರಿಕಾ ತೆಗೆದುಕೊಳ್ಳುವ ಯಾವುದೇ ಕಠಿಣ ನಿಲುವನ್ನು ಎದುರಿಸಲು ಬೀಜಿಂಗ್ ಸಿದ್ಧವಾಗಿದೆ. ಉಭಯ ದೇಶಗಳ ನಡುವಿನ ಸೌಹಾರ್ದ ವಾತಾವರಣವು ಕೊನೆಗೊಂಡಿದೆ. ಪ್ರಸ್ತುತ ಉಭಯ ರಾಷ್ಟ್ರಗಳ ನಡುವೆ ಶೀತಲ ಸಮರ ಉಲ್ಬಣಗೊಳ್ಳುತ್ತಿದೆ. ಇದು ರಾತ್ರೋರಾತ್ರಿ ಕೊನೆಗೊಳ್ಳಲು ಸಾಧ್ಯವಿಲ್ಲ. ಆದರೆ ಅಮೆರಿಕದೊಂದಿಗೆ ಹಿಂದಿನ ಬಾಂಧವ್ಯವನ್ನು ಮತ್ತೆ ಪಡೆಯಲು ಚೀನಾ ಬಯಸುತ್ತದೆ. ಆದರೆ ಸದ್ಯದ ಪರಿಸ್ಥಿತಿಯಲ್ಲಿ ಅದು ನಿರಾಶಾದಾಯಕವಾಗಿವೆ.

ಪ್ರಸ್ತುತ ಅವು ತೀವ್ರ ಒತ್ತಡದಲ್ಲಿದ್ದಾರೆ.
ಸಾರ್ವಜನಿಕ ಸಮಸ್ಯೆಗಳನ್ನು ಪರಿಹರಿಸಲು ಸಾಧ್ಯವಾಗದಿದ್ದರೆ ಸಾರ್ವಜನಿಕ ಗಮನವನ್ನು ಬೇರೆಡೆ ಸೆಳೆಯಲು ಬಿಡೆನ್ ಚೀನಾ ವಿರೋಧಿ ಕ್ರಮಗಳನ್ನು ಅನುಸರಿಸುತ್ತಿದ್ದಾರೆ.

ಕೆಲವೊಮ್ಮೆ ಅವರು ತುಂಬಾ ದುರ್ಬಲರೆಂದೆನಿಸುತ್ತದೆ. ಟ್ರಂಪ್ ರೀತಿಯಲ್ಲಿ ಪ್ರಜಾಪ್ರಭುತ್ವ ಮತ್ತು ಸ್ವಾತಂತ್ರ್ಯದಂತಹ ವಿಷಯಗಳ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ಆದರೆ ಬಿಡೆನ್ ಆಡಳಿತ ಇದಕ್ಕೆ ಸಂಪೂರ್ಣವಾಗಿ ವಿರುದ್ಧವಾಗಿದೆ.

ಟ್ರಂಪ್‌ಗೆ ಯುದ್ಧದಲ್ಲಿ ಆಸಕ್ತಿ ಇರಲಿಲ್ಲ. ಆದರೆ ಜೋ ಬಿಡನ್ ಯುದ್ಧವನ್ನು ಪ್ರಾರಂಭಿಸಬಹುದು. ಟ್ರಂಪ್ ಅಧ್ಯಕ್ಷ ಅವಧಿಯಲ್ಲಿ ಚೀನಾ ಮತ್ತು ಅಮೆರಿಕ ನಡುವಿನ ಸಂಬಂಧಗಳು ಸಂಪೂರ್ಣವಾಗಿ ಕ್ಷೀಣಿಸಿದ್ದವು. ಕೋವಿಡ್ ಸೇರಿದಂತೆ ಹಲವು ಅಂಶಗಳು ಇದಕ್ಕೆ ಕಾರಣವಾಗಿವೆ.ಜೋ ಬಿಡೆನ್ ಅಧ್ಯಕ್ಷ ಅವಧಿಯಲ್ಲಿ ಚೀನಾ ಮತ್ತು ಅಮೇರಿಕಾ ನಡುವಿನ ಉದ್ವಿಗ್ನತೆ ಮುಂದುವರಿಯುತ್ತದೆ ಎಂದು ವಿದೇಶಾಂಗ ನೀತಿ ತಜ್ಞರು ಹೇಳಿದ್ದಾರೆ.

From around the web

Trending Today
Featured